close
Եղանակը Երևանում
26 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
26 Ապր 2019
USD1481.57
GBP1620.02
EUR1536.23
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայ ականազերծողները կմեկնեն Իրան՝ մասնակցելու ինքնաշեն պայթուցիկ սարքերի ականազերծման դասընթացին

Հասարակություն

20 Մարտի 2019, 16:11
 Հայ ականազերծողները կմեկնեն Իրան՝ մասնակցելու ինքնաշեն պայթուցիկ սարքերի ականազերծման դասընթացին

Հումանիտար ականազերծման և փորձագիտական կենտրոնի ներկայացուցիչները եռօրյա աշխատանքային այցով Իրանում էին:

Կենտրոնից հայտնում են, որ նրանք Թեհրանում մասնակցել են «Հումանիտար հակաականային գործունեություն, մարտահրավերներ և փորձ» կլոր սեղան – հանդիպմանը, որին ներկա են եղել մասնագետներ աշխարհի շուրջ 4 տասնյակից ավելի երկրներից, ինչպես նաև ներկայացուցիչներ ՄԱԿ-ից, Միջազգային Կարմիր Խաչից և այլ կազմակերպություններից:

Բացման խոսքով հանդես է եկել Իրանի Պաշտպանության նախարարը, ելույթ է ունեցել նաև Իրանի փոխարտգործնախարարը:

«Հումանիտար ականազերծման և փորձագիտական կենտրոն»-ի մասնագետները ներկայացրել են կենտրոնի գործունեությունը, խոսել Հայաստանի ականապատ տարածքների, ականային պատահարների, ականազերծման աշխատանքների, ականային վտանգի իրազեկման դասընթացների և իրականացվող բազմաթիվ այլ ծրագրերի մասին:

Հյուրընկալող կողմը միայն հայկական պատվիրակության հետ առանձին հանդիպում է ունեցել: «Հումանիտար ականազերծման և փորձագիտական կենտրոնի» և Իրանի ականազերծման կենտրոնի տնօրենները համագործակցության հետ կապված մի շարք հարցեր են քննարկել:

Ձեռք բերված պայմանավորվածությունների համաձայն՝ հայ ականազերծողները կմեկնեն Իրան՝ ինքնաշեն պայթուցիկ սարքերի ականազերծման դասընթացներին մասնակցելու նպատակով: Փորձի փոխանակման համար հայկական կողմն իրանցի մասնագետներին հրավիրել է Հայաստան:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica