close
Եղանակը Երևանում
26 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
26 Ապր 2019
USD1481.57
GBP1620.02
EUR1536.23
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մեզ համար առաջնայինը սկզբունքի ամրագրումն է՝ ինչպես պետք է լրացվի իրավական բացը ՀԱՊԿ-ում այսօր առկա իրավիճակների դեպքում. Աննա Նաղդալյան

Քաղաքական

20 Մարտի 2019, 14:21
 Մեզ համար առաջնայինը սկզբունքի ամրագրումն է՝ ինչպես պետք է լրացվի իրավական բացը ՀԱՊԿ-ում այսօր առկա  իրավիճակների դեպքում. Աննա Նաղդալյան

ՀԱՊԿ գլխավոր քարտուղարի պաշտոնում Բելառուսի առաջադրած թեկնածության համաձայնեցման վերաբերյալ անհրաժեշտ բոլոր փաստաթղթերն ուղարկվել են կազմակերպության անդամ երկրներին: Այդ մասին ТАСС-ին  տված հարցազրույցում ասել է ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը:

Հայաստանն արդեն ստացե՞լ է համապատասխան փաստաթուղթը՝ լրագրողների հետ ճեպազրույցում ՀՀ ԱԳՆ մամուլի քարտուղար Աննա Նաղդալյանը պատասխանեց. «Մեզ համար առաջնայինը սկզբունքի ամրագրումն է, իսկ փաստաթղթերի տրամադրումը և ստացումը պետք է հստակեցնեմ, և թե ինչ է գրված դրա մեջ: Քանի դեռ ամրագրված չէ սկզբունքը՝ ինչպես պետք է լրացնել այդ իրավական բացը նման իրավիճակների առաջացման պարագայում, մնացածի մասին զրույցներն ավելորդ են»:

Ինչ վերաբերում է Նազարբաևի հրաժարականից հետո Հայաստան-Ղազախստան հարաբերություններին՝ Նաղդալյանը շեշտեց, որ Հայաստանը Ղազախստանի հետ ունի լայնածավալ և կարևոր օրակարգ, բազմաշերտ համագործակցություն, որը մեծ կարևորություն և նշանակություն ունի Հայաստանի համար:

«Մենք այդ բոլոր ուղղություններով համագործակցում ենք ինչպես երկկողմ, այնպես էլ բազմակողմ հարթակներում: Առաջնային են նաև ՀԱՊԿ-ն և ԵԱՏՄ-ն, և այս առումով աշխատանքները շարունակվելու են»,-նշեց նա:


yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica