close
Եղանակը Երևանում
23 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
23 Օգս 2019
USD1475.91
GBP1577.33
EUR1527.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե Սոս Սարգսյանը ողջ լիներ, դուք թատրոնը կփակեի՞ք, այո՞, թե՞ ոչ. Սոս Սարգսյանի այրի

Հասարակություն

28 Փետրվարի 2019, 17:42
 Եթե Սոս Սարգսյանը ողջ լիներ, դուք թատրոնը կփակեի՞ք, այո՞, թե՞ ոչ. Սոս Սարգսյանի այրի

Այսօր Համազգային թատրոնի անձնակազմը, թատրոնի տնօրեն, դերասան Արման Նավասարդյանի գլխավորությամբ, մամուլի ասուլիս էր հրավիրել` խոսելու թատրոնի առաջընթացի, անելիքների և վերելքի մասին: Քննարկվեց նաև մշակույթի փոխնախարար Նազենի Ղարիբյանի` աղմուկ հանած հայտարարությունը:

Yerkir.am-ն ավելի վաղ տեղեկացրել էր, որ Սոս Սարգսյանի անվան համազգային թատրոնի անձնակազմը հայտարարություն էր տարածել մշակույթի փոխնախարար Նազենի Ղարիբյանի հաղորդագրության վերաբերյալ:

Խոսելով այն մասին, թե ինչ է սպառնում թատրոնին և ինչ խնդրի առջև են կանգնած, Արման Նավասարդյանը նշեց. «Մշակույթի նախարարի պարտականությունները կատարող Նազենի Ղարիբյանը հայտարարել է, թե իբրև մենք ուսանողական հենքի վրա ստեղծված թատրոն ենք և կուսակցական շեղումներ ունենք, մանավանդ, որ մեր գործունեությունը ծավալում ենք թատերական ինստիտուտի շենքում, այսինքն` գործառույթները նաև համապատասխանում են, ուստի առաջարկում են կա'մ լուծարվել, կա'մ միավորվել ինստիտուտի հետ`դառնալով կապող օղակ ուսանողների և պրոֆեսիոնալ թատրոնների միջև: Ստացվում է` Համազգային թատրոնը պրոֆեսիոնալ թատրոն չէ՞: Այստեղ աշխատում են դերասաններ, որոնք և' Հայաստանում, և' Հայաստանից դուրս պահանջված դերասաններ են: Այստեղ բեմադրվում են այնպիսի ներկայացումներ, որոնք տարին մեկ կամ երկու անգամ «Գրան պրի»-ներով են վերադառնում արտերկրից»:

Նա անդրադարձավ նաև ՊՈԱԿ-ների լուծարման մասին տեղեկանքը գաղտնի պահելուն: «Քիմիական նոր զե՞նք են սարքել, որ գաղտնի են պահել: Թափանցիկության խնդիր կա: Այսինքն` մենք իրավունք չունե՞նք իմանալու, թե ի՞նչ են մտածում մեր մասին: Փառք ու պատիվ նրան, ով տարածեց սա: Հիմա տեսե՛ք` կառավարության կողմից մեսիջ կա բոլոր նախարարություններին, որ ճանապարհներ գտնեն ավելորդ հաստիքների կրճատման համար: Սա նորմալ է, բայց օպտիմալացնում են այնտեղ, որտեղ ոչինչ չի արվում, անգործության են մատնված և գումար են մսխում: Իսկ օպտիմալացնել թռիչքի մեջ գտնվող, ապրող կառույց, նման է նրան, ոնց որ բժիշկը դիտավորյալ առողջ մարդու թոքը կտրի»,- նշեց Նավասարդյանը:

Հիշեցնենք, որ մշակույթի նախարարության առաջարկած ծրագիրը, որը կապված  է ՊՈԱԿ-ների լուծարման հետ, պահվում է գաղտնի:

Թատրոնի ռեժիսոր, դերասան Դավիթ Հակոբյանը  լրագրողներին տեղեկացրեց, որ Ռուսաստանի Դաշնության կառավարությունը մոտ օրերս իրենց  խորհրդարանում կհաստատի նոր օրենքը, ըստ որի`պետական թատրոնները գնումների համակարգից դուրս կբերվեն: «Այս օրենքը հենց իրենք էին ընդունել, բայց այժմ հանում են, քանի որ այն խանգարում է ստեղծագործական գործունեությանը: Նախագահի կողմից էլ մի ուրիշ առաջարկ է մտել պառլամենտ` թատրոններն ազատել շահութահարկից: Շահույթը պետությունը վերցնում է ինչի՞ համար, որպեսզի գումար տա թատրոնին, բժշկին: Պետությունից մեր ակնկալիքը օրենք հորինելն է` օրենք թատրոնի մասին, որի մեջ մտնի մեկենասության օրենքը»,- պարզաբանեց նա:

Ասուլիսին ներկա էր նաև Սոս Սարգսյանի կինը` Նելլի Սարգսյանը: Նա հուզված էր ու հազիվ էր կարողանում խոսել: «Սա անարգանք է Սոս Սարգսյանի հիշատակին: Սա նշանակում է, որ այն, ինչ արել է երկրին նվիրված այս մարդը վերջին 30 տարվա ընթացքում, ոչնչացվում ու ջնջվում է: Ես չեմ կարող մոռանալ. նրա շուրջը հավաքվում էին, երբ դերասանները Շենգավիթից և Նորքից ոտքով գալիս էին թատրոն`ներկայացման փորձերի, ցուրտ դահլիճում... Այն տարիներին, երբ երկիրը պատերազմում էր, նա դերասաններին անտառների միջով տարել էր դիրքեր, որ կռվող տղաները մշակութային արժեքներին առնչվեին ու հաճույք ստանան: Նազենի Ղարիբյանը պիտի իր ձեռքը հեռու պահի այս մշակույթից: Չի եղել ոչ մի փորձագիտական խումբ: Սրա մեջ միտում կա: Մարդը պիտի իմանա և' իրավունքները, և' պարտականությունները: Ես ուզում եմ նայել այն ղեկավարի աչքերին, որը պիտի փակի թատրոնը, և հարցնեմ` եթե Սոս Սարգսյանը ողջ լիներ, դուք այդ քայլը կանեի՞ք, այո՞, թե՞ ոչ»,- վրդովված ասաց Նելլի Սարգսյանը:

Թատրոնի գեղարվեստական ղեկավար Նարինե Գրիգորյանն էլ հավաստիացրեց, որ թատրոնը միշտ ներկան է: «Գուցե նրանք տեղեկացված չեն մեր ներկայից: Այսօր մեր շենքը կառուցվում է, մենք այս տարի ունենք 7 պրեմիերա, ունենք ամենամսյա նոր ձևաչափ` ժամանակակից դրամատուրգիայի թատերայնացված ընթերցանություն, հյուրախաղեր և փառատոներ: Այսպիսի ակտիվ վերելքի շրջանում հանցանք է նման որոշում կայացնելը»,- նշեց նա:

Հավելենք նաև, որ թատրոնի անձնակազմը փորձագիտական խմբի անդամներին, մշակույթի նախարարի պաշտոնակատար Նազենի Ղարիբյանի գլխավորությամբ, այսօր` երեկոյան ժամը 19.00-ին, հրավիրում է Համազգային թատրոն`դիտելու «Հաղթանակի գենեզիս» ներկայացումը:

Թատրոնի տնօրենը հայտնեց նաև, որ մշակույթի փոխնախարարին հրավիրել են ներկայացումներ դիտելու, բայց նա չի եկել: «Չեն եկել, հետաքրքիր չէ նրանց: Ավելի լավ է՝ չնայեն ու նման որոշումներ կայացնեն, քան գան նայեն, բա որ հավանե՞ն ներկայացումը, այդ դեպքում ի՞նչ որոշում են ընդունելու»,- նշեց Արման Նավասարդյանը:

Ինչ վերաբերում է լրագրողների այն հարցին, թե ի՞նչ է անելու թատրոնը վատագույն սցենարի դեպքում, դերասանները կոշտ արձագանքեցին. «Վատագույն դեպք չի լինելու: Սա ոտնձգություն է հանդիսատեսի դեմ: Թատրոնի դռները ժողովրդի առջև փակելը հակաժողովրդավարական քայլ է»:

 

 

 

 

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica