close
Եղանակը Երևանում
24 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
24 Օգս 2019
USD1475.99
GBP1581.09
EUR1526.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանի անկախության ճանաչման տոնը Կ. Պոլսում. 1920 թվականի հունվար-փետրվար

Հարթակ

25 Փետրվարի 2019, 13:35
 Հայաստանի անկախության ճանաչման տոնը Կ. Պոլսում. 1920 թվականի հունվար-փետրվար

Հայաստանի Հանրապետությունը (1918-1920/21 թթ) ճանաչվել է դե ֆակտո՝ 1920 թվականի հունվարին՝ Վրաստանի և Ադրբեջանի դե ֆակտո ճանաչումից մեկ շաբաթ անց: Հայաստանը Օսմանյան կայսրությունում՝ Պոլսում, ունեցել է դիվանագիտական ներկայացուցիչ՝ ի դեմ Ֆերդինանդ Թահթաճյանի: Ներքո հոդվածը՝ վերցված Հայ ժողովրդական կուսակցության «Ժողովուրդ» թերթից, պատմում է Հայաստանի դե ֆակտո ճանաչման առիթով Պոլսում տեղի ունեցած ձեռնարկների և արձագանքների մասին:

ԱՆԻ կենտրոն

Հայաստանի անկախության ճանաչման լուրը մեծ խանդավառություն է առաջ բերել թուրքական մայրաքաղաքի հայկական բոլոր շրջանակներում: Սկզբի 2-3 օրերը Կ. Պոլսի հայերի համար տոնական կերպարանք էին առել:

Այս նշանավոր պատմական դեպքի առթիվ Կ. Պոլսի հայկական դրամատիկական ընկերությունը շքեղ երեկույթ էր կազմակերպել, որին ներկա են եղել պատրիարք Զավեն սրբազանը Մեսրոպ եպիսկոպոս Նարոյանի հետ և Հայաստանի Հանրապետության դիվանագիտական ներկայացուցիչ [Ֆերդինան] Թահթաճյանը:

Համաձայնութեան պետութեան ներկայացուցիչները այցելել են պատրիարքին և շնորհավորել Հայաստանի քաղաքական վերածնությունը: Բացի նրանցից պատրիարքին այցելել է հունաց նավատորմի բարձրաստիճան սպաներից Քարակեըս: Նա իր ջերմագին ուրախությունն է հայտնել Հայաստանի անկախության [ճանաչման] առթիվ: Զավեն սրբազանն իր շնորհակալությունն է հայտնել՝ մաղթելով, որ հայ-հունական բարեկամությունը տևական լինի, որպեսզի նա պատվար հանդիսանա նրանց դեմ, որոնք ցանկացան քրիստոնեությանը հարվածել:

Կ. Պոլսի մամուլի թե՛ հայ և թե՛ օտար ազգի մամուլի օրգանները խմբագրականներ են նվիրել Հայաստանի անկախության ճանաչման առթիվ, բոլորն էլ իրենց ուրախությունն են հայտնել այս առթիվ: Նույնիսկ ուրախություն են հայտնել թուրքական լրագրերը, իհարկե միայն այս մտքով, որ հայերը կբավականանան միմիայն Կովկասյան Հայաստանով և Սև ծովի ափին մի նավահանգիստ պահանջելով:

Փետրվարի մեկին Կ. Պոլսում սպասվելիս է եղել մեծ միտինգ:

Ժողովուրդ, թիվ 22, կիրակի, 15 փետրվար, 1920թ

Նյութը` Անի կենտրոն

http://tert.nla.am/archive/NLA%20TERT/JoxovurdYerevan/1920/22.pdf

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica