close
Եղանակը Երևանում
27 Մայիսի 2020
+12°
+26°Ցերեկ
+13°Գիշեր
weather
close
Փոխարժեք
27 Մայ 2020
USD1483.82
GBP1595.63
EUR1530.41
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Զինծառայող Էդգար Գրիգորյանի մահվան դեպքը կապված չի եղել ծառայության հետ, որևէ դեպք չենք պատրաստվում կոծկել. Տոնոյան

Հասարակություն

12 Փետրվարի 2019, 13:52
 Զինծառայող Էդգար Գրիգորյանի մահվան դեպքը կապված չի եղել ծառայության հետ, որևէ դեպք չենք պատրաստվում կոծկել. Տոնոյան

Պաշտպանության նախարարությանը չի պատրաստվում կոծկել որևէ դեպք, և այդպես է եղել տարիներ շարունակ: Այս մասին լրագրողների հետ հանդիպման ժամանակ ասաց ՀՀ պաշտպանության նախարար Դավիթ Տոնոյանը՝ անդրադառնալով վերջերս հրապարակված լուրին, որ Ամանորի գիշերը հրազենային վնասվածքից մահացել է պայմանագրային զինծառայող Էդգար Գրիգորյանը: Լուրը ՊՆ-ն հաստատեց միայն օրեր առաջ: 

«Փոքրիկ ծառայողական քննություն է իրականացվում՝ պարզելու համար, թե դա ինչի հետ է կապված եղել: Հաշվի առնելով այն, որ դեպքը կապված չի եղել ծառայության հետ, մենք, այսպես ասած, մեծ ուշադրություն չենք դարձրել այդ խնդրին»,- ասաց պաշտպանության նախարարը՝ նշելով, որ այսօր հնարավոր չէ տեղեկությունները թաքցնել:

«Վիճակագրությունը խաչմերուկային է ներկայացված` դուք ստանում եք տեղեկություններ և' դատախազությունից, և' Քննչական կոմիտեից,  և դուք ստանում եք նաև ՊՆ-ից. հնարավոր չէ որևէ բան կոծկել: Բայց ես միևնույն ժամանակ չեմ կարծում, որ անհրաժեշտ է ծառայության հետ չկապված և նախաքննության փուլում գտնվող դեպքերի վերաբերյալ անընդհատ բարձրաձայնել: Այսքանը»,- ասաց Դավիթ Տոնոյանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica