close
Եղանակը Երևանում
20 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
20 Ապր 2019
USD1482.31
GBP1627.00
EUR1542.36
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հակադարձում Փաշինյանի՞ն

Քաղաքական

12 Փետրվարի 2019, 12:13
 Հակադարձում Փաշինյանի՞ն

Ազգային ժողովում ՀՀ վարչապետ Նիկոլ Փաշինյանը ներկայացնում էր կառավարության առաջիկա 5 տարվա ծրագիրը: Այդ ընթացքում ԱԺ «Լուսավոր Հայաստան» խմբակցության ղեկավար Էդմոն Մարուքյանը հասցրել էր ֆեյսբուքյան իր էջում գրառում կատարել՝ մեջբերելով Պարույր Սեւակի «Անկեղծ ասած» բանաստեղծությունը։ Հակադարձում Փաշինյանի՞ն…

Անկեղծ ասած

Անկեղծ ասած՝ այս ամենից ես հոգնել եմ, 
Ես, սիրելի՛ս, որ քեզ սիրել և օգնել եմ. 
Ձեռք եմ պարզել, հույս եմ տվել, 
Վատըդ թողած՝ լավըդ թվել, 
Հավատացրել, հավատացել, 
Թե իմ առաջ դուռ ես բացել՝ 
Չտեսնըված, չեղած մի դուռ։ 
Սակայն ի՞նչ եմ ես ստացել 
Այդ ամենին ի տրիտուր։

Անկեղծ ասած՝ ոչինչ չկա, և ոչ էլ կար։

Անկեղծ ասած՝ դու բնավ էլ ա՛յն չես եղել, 
Ա՛յն չես եղել, ինչ որ ես եմ կարծել երկար։ 
Ո՞ւր ես, ասա՛, դու ինձ մղել։ 
Ճիշտ ճամփից ես միայն շեղել։ 
Սուտ խոստումով կապել ես ինձ, 
Մանկան նման խաբել ես ինձ, 
Ու չես տվել ոչի՜նչ, ոչի՜նչ։ 
Իսկ այն, ինչ որ ինձ ես տվել, 
Արժանի չէր ո՛չ քեզ, ո՛չ ինձ։

Անկեղծ ասած՝ քո տվածից ես հոգնել եմ։

Ինքդ գիտես՝ որքան ձգտել ու տքնել եմ, 
Որ դու ... որ դու նման լինես իմ երազին։ 
Իսկ դու գիտե՞ս՝ ի՛նչ դուրս եկավ. 
«Տղան հասավ իր մուրազին,
Դուք էլ հասնեք ձեր մուրազին»։ 
Հեքիաթն, այո, միտքըս ընկավ... 
Դու՝ հեքիաթում հրաշք աղջիկ, 
Այնինչ կյանքում՝ ինչ-որ... չղջիկ, 
Որ ոչ թռչուն, ոչ էլ մուկ է...

Անկեղծ ասած՝ զուր էր ամբողջ այս աղմուկը։

Անկեղծ ասած՝ նեղանում ես, թե լրջանում, 
Մե՜կ է հիմա։ Էլ չեմ գցի ինձ սար ու ձոր, 
Անկեղծ կասեմ՝ հեքիաթն ինչով է վերջանում. 
Ցած է ընկնում երեք խնձոր - 
Մեկ՝ ասողին, 
Մեկ՝ լսողին, 
Մեկ էլ... ինձ պես գիշեր ու զօր 
Հիմարաբար սպասողին...

Անկեղծ ասած՝ հեքիաթներից ես հոգնել եմ...

Պարույր Սևակ

31.X.1955թ. 
Մոսկվա

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica