close
Եղանակը Երևանում
17 Նոյեմբերի 2018
+5°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայ ու սիրիացի ժողովուրդները պատմականորեն կապված են միմյանց հետ. Սիրիայի ԱԳ նախարար

Հասարակություն

8 Նոյեմբերի 2018, 23:47
 Հայ ու սիրիացի ժողովուրդները պատմականորեն կապված են միմյանց հետ. Սիրիայի ԱԳ նախարար

Նոյեմբերի 8-ին Սիրիայում ՀՀ դեսպան Արշակ Փոլադյանը հրաժեշտի հանդիպում ունեցավ Սիրիայի Արաբական Հանրապետության (ՍԱՀ) փոխվարչապետ, արտաքին գործերի և սփյուռքի նախարար Վալիդ ալ-Մուալլիմի հետ։

Ողջունելով դեսպան Փոլադյանին՝ ԱԳ նախարարը հայտնեց սիրիական իշխանությունների գնահատանքն ու երախտագիտությունը պատերազմի ամենածանր շրջանում Դամասկոսը չլքելու և Սիրիայում դիվանագիտական ներկայացվածությունը բարձր մակարդակով պահպանելու համար:

ՀՀ դեսպանը շնորհակալություն հայտնեց ջերմ ընդունելության համար՝ նշելով, որ երախտապարտ է ՍԱՀ արտաքին գործերի նախարարության անձնակազմին և անձնապես նախարար ալ-Մուլլիմին մշտական աջակցության, Դամասկոսում ՀՀ դեսպանության և Հալեպում ՀՀ գլխավոր հյուպատոսության հանդեպ առանձնահատուկ վերաբերմունքի համար, որի շնորհիվ ՀՀ դիվանագիտական ներկայացուցչությունների աշխատանքն էապես դյուրին և արդյունավետ է ընթանում:

Խոսելով հայ-սիրիական հարաբերությունների մասին Վալիդ ալ-Մուալլիմն ընդգծեց, որ դրանք ունեն խորը և ամուր արմատներ, իսկ հայ ու սիրիացի ժողովուրդները պատմականորեն կապված են միմյանց հետ, այդ իսկ պատճառով Սիրիան մեծապես շահագրգռված է հետպատերազմյան շրջանում բարեկամ Հայաստանի հետ համագործակցության առավել ամրապնդմամբ և աշխուժացմամբ: Նախարարը նշեց, որ 2009թ.-ին ՍԱՀ նախագահ Բաշար ալ-Ասադի գլխավորած պատվիրակության կազմում Երևան այցելությունը մեծ տպավորություն էր գործել նրա վրա և հույս հայտնեց, որ ապագայում երկու երկրների միջև բարձրաստիճան փոխայցելույթունների ավանդույթը կվերսկսվի:

Դեսպան Փոլադյանն իր հերթին ընդգծեց Հայաստանի և հայ ժողովրդի երախտագիտությունը սիրիացի բարեկամ ժողովրդին ավելի քան մեկ հարյուրամյակ առաջ Օսմանյան կայսրությունում Հայոց ցեղասպանությունից փրկված հայերի հանդեպ մարդասիրական վերաբերմունքի համար, որը խորը հետք է թողել մեր ազգի պատմական հիշողության մեջ և երբեք չի մոռացվի: ՀՀ դեսպանը նաև վստահություն հայտնեց, որ սիրիական հակամարտության մոտալուտ կագավորումը և բաղձալի խաղաղության հաստատումը նոր հնարավորություններ կստեղծի Հայաստանի և Սիրիայի բազմաոլորտ հարաբերություններին նոր շունչ և ավյուն հաղորդելու համար:

Հանդիպման ավարտին ՍԱՀ արտգործնախարար Վալիդ ալ-Մուալլիմը դեսպան Արշակ Փոլադյանին հաջողություն և բարի վերադարձ մաղթեց:

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica