close
Եղանակը Երևանում
17 Նոյեմբերի 2018
+5°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Լուսավոր Հայաստան»-ի ցուցակը կգլխավորի Էդմոն Մարուքյանը

Քաղաքական

8 Նոյեմբերի 2018, 15:38
 «Լուսավոր Հայաստան»-ի ցուցակը կգլխավորի Էդմոն Մարուքյանը

«Լուսավոր Հայաստան»-ից տեղեկացնում են, որ առաջիկա արտահերթ խորհրդարանական ընտրություններում «Լուսավոր Հայաստան»-ի համամասնական ցուցակը գլխավորելու է ՀՀ ԱԺ «Ելք» խմբակցության պատգամավոր, ԼՀԿ Կառավարման խորհրդի նախագահ Էդմոն Մարուքյանը։

***

Էդմոն Մարուքյանը ծնվել է 1981թ. Վանաձոր քաղաքում:

2002թ. ավարտել է Մոսկվայի կոմերցիայի և իրավունքի ինստիտուտի իրավագիտության բաժինը` ստանալով իրավագիտության բակալավրի աստիճան:

2006թ. ավարտել է Վարշավայի Մարդու Իրավունքների բարձրագույն դասընթացը և ստացել Մարդու իրավունքների և շահերի պաշտպանության մասնագետի որակավորում:

2007թ. ավարտել է ՀՀ կառավարման պետական ակադեմիայի մագիստրատուրան և ստացել իրավագիտության մագիստրոսի աստիճան` պաշտպանելով «Մարդու իրավունքների պաշտպանության ազգային եւ միջազգային մեխանիզմները» թեմայով ատենախոսություն։

2010թ. ավարտել է ԱՄՆ Մինեսոտայի համալսարանի իրավաբանական դպրոցը և ստացել Մարդու իրավունքների և միջազգային իրավունքի մագիստրոսի աստիճան:

1999-2001թթ. ծառայել է ՀՀ զինված ուժերում։

2001թ.-ից ակտիվորեն ներգրավված է եղել իրավապաշտպան գործունեության մեջ: Մի շարք հասարակական կազմակերպությունների հիմնադիր անդամ է: Անդամակցում է բազմաթիվ միջազգային իրավապաշտպան ցանցերի:

2002-2004թթ. «Մեդիա Գրուպ» լրատվական-հասարակական կազմակերպության իրավաբանական բաժնի ղեկավար:

2005-2006թթ. ՀՀ ոստիկանության ձերբակալված անձանց պահելու վայրերում վերահսկողություն իրականացնող հասարակական դիտորդական խմբի անդամ:

2005-2012թթ. ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի անդամ:

2007-2008թթ. դասախոս Վանաձորի պետական մանկավարժական ինստիտուտի Փիլիսոփայության և քաղաքագիտության ամբիոնում։

2008թ.-ից ՀՀ փաստաբանների պալատի անդամ, փաստաբան:

2010թ. գործընկերների հետ հիմնադրել է «Ռազմավարական դատավարությունների կենտրոն» իրավապաշտպան հասարակական կազմակերպությունը, որն, ի թիվս բազմաթիվ այլ կարեւոր գործերի, Մարդու իրավունքների եվրոպական դատարան է ներկայացրել հայ գերու գործն ընդդեմ Ադրբեջանի Հանրապետության:

2010-2012թթ. Human Rights Watch միջազգային իրավապաշտպան կազմակերպություն, ազգային փորձագետ:

2012թ. Վանաձոր քաղաքի թիվ 30 ընտրատարածքից մեծամասնական ընտրակարգով ընտրվել է Հայաստանի Հանրապետության Ազգային ժողովի պատգամավոր։ Պառլամենտ Մոնիթորինգի հետազոտության արդյունքներով ճանաչվել է ՀՀ ԱԺ 5-րդ գումարման մեծամասնական ընտրակարգով ընտրված ամենաակտիվ պատգամավորը։

2015թ. հիմնադրել է «Լուսավոր Հայաստան» կուսակցությունը, որի կառավարման խորհրդի նախագահն է։

2017թ. ՀՀ ԱԺ ընտրություններում գլխավորել է ԵԼՔ կուսակցությունների դաշինքի համամասնական ցուցակը և ընտրվել Հայաստանի Հանրապետության 6֊րդ գումարման Ազգային ժողովի պատգամավոր։ ՀՀ ԱԺ Պետական-իրավական եւ մարդու իրավունքների պաշտպանության հարցերի մշտական հանձնաժողովի անդամ:

Ամուսնացած է, ունի երկու որդի և մեկ դուստր:

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica