close
Եղանակը Երևանում
14 Նոյեմբերի 2018
+5°
+8°Ցերեկ
+5°Գիշեր
weather
close
Փոխարժեք
14 Նմբ 2018
USD1488.68
GBP1629.86
EUR1549.03
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Զոհված զինծառայողներից Էդգարը Հրազդանից էր, Դավիթը՝ Բազմաբերդից. երկուսն էլ հունվարին պետք է զորացրվեին

Հասարակություն

8 Նոյեմբերի 2018, 11:45
 Զոհված զինծառայողներից Էդգարը Հրազդանից էր, Դավիթը՝ Բազմաբերդից. երկուսն էլ հունվարին պետք է զորացրվեին

Որոտան-Խնձորեսկ ավտոճանապարհին նոյեմբերի 7-ին տեղի ունեցած խոշոր ու ողբերգական ավտովթարի հետևանքով զոհված 4 ժամկետային զինծառայողներից երկուսը մարզից էին. 20-ամյա Էդգար Հունանյանը Կոտայքի մարզի Հրազդան քաղաքից էր, իսկ 20-ամյա Դավիթ Մելքոնյանը` Արագածոտնի մարզի Ներքին Բազմաբերդ գյուղից:

Ներքին Բազմաբերդի համայնքի ղեկավար Խաչատուր Նորեյանը Yerkir.am-ի հետ զրույցում հայտնեց, որ  Դավիթ Մելքոնյանը երկու ամսից՝ հունվարին, զորացրվելու էր: «Գորիսի զորամասում էր ծառայում, գնացել էին զորավարժությունների: Դավիթը երկու եղբայր ունի: Մեծը ծառայել, վերադարձել ու հիմա շինարարությամբ է զբաղվում, իսկ կրտսերն այս տարի ձմռանն է զորակոչվել բանակ, Մատաղիսում է ծառայում, կարատեով է զբաղվում, Հայաստանի չեմպիոն է։ Հայրն արտագնա աշխատանքով է զբաղվում, այս պահին Հայաստանում է»,- հայտնեց համայնքապետը:

Նա տեղեկացրեց նաև, որ Դավիթն էլ դպրոցն ավարտել ու բանակ է գնացել: Նա գյուղում հայտնի է որպես խելոք, համեստ տղա: Դավթի հոգեհանգիստը տեղի կունենա վաղը, իսկ թաղման արարողությունը՝ շաբաթ օրը:

Հրազդանի քաղաքապետ Սևակ Միքայելյանն էլ մեզ տեղեկացրեց, որ  20-ամյա Էդգար Հունանյանը նույնպես ամիսներ անց՝ 2019-ի հունվարին պետք է զորացրվեր: Էդգարը բեռնատարի վարորդն էր: Նրա մայրը նախկինում աշխատել է Հրազդանի քաղաքապետարանի սպորտի բաժնում, իսկ հայրը նախկին ոստիկան է: Էդգարն ունի երկու քույր:

Միքայելյանը տեղեկացրեց նաև, որ Էդգարի հոգեհանգստի արարողությունը տեղի կունենա վաղը Կոճոռ թաղամասի Սուրբ Խաչ եկեղեցում:

Գիտնականները դժգոհում են
13 Նոյեմբերի 2018, 23:15 HES_VIDEOԳիտնականները դժգոհում են
Դուք եք որոշում
13 Նոյեմբերի 2018, 21:30 Դուք եք որոշում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica