close
Եղանակը Երևանում
17 Նոյեմբերի 2018
+5°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վճռականորեն հայտարարում ենք` մեր պայքարն ավարտված չէ. ՀՅԴ ԳՄ ազատամարտիկների հանձնախումբը դատապարտում է Միլսի հայտարարությունը

Հասարակություն

18 Հոկտեմբերի 2018, 13:41
 Վճռականորեն հայտարարում ենք` մեր պայքարն ավարտված չէ. ՀՅԴ ԳՄ ազատամարտիկների հանձնախումբը դատապարտում է Միլսի հայտարարությունը

ՀՅԴ Հայաստանի Գերագույն մարմնի ազատամարտիկների հանձնախումբը դատապարտում է Հայաստանում ԱՄՆ նախկին դեսպան Ռիչարդ Միլսի EVN Report-ի հետ զրույցում հնչեցրած տեսակետը, թե Լեռնային Ղարաբաղի հակամարտությունը չի կարող կարգավորվել առանց «գրավյալ տարածքների որոշակի մասի վերադարձի»:

Թե քաղաքական, թե պատմական և թե իրավական առումներով խնդրո առարկա տարածքները որևէ պարագայում չեն կարող դիտարկվել որպես «գրավյալ տարածքներ»: Հատկանշական է, որ ԵԱՀԿ Մինսկի խմբի համանախագահ երկրների կողմից ևս երբևէ չի օգտագործվել այդ որակավորումը:

Աներկբա է, որ Արցախի Հանրապետությունում չկան գրավյալ տարածքներ, կան մեր պատմական Հայրենիքի բռնազավթված տարածքներ, որոնց մի մասը ազատագրվել է Արցախյան ազատամարտի ընթացքում՝ հայության անմնացորդ նվիրումի և հերոս հայորդիների արյան գնով, որոնք Արցախի Հանրապետության սահմանադրությամբ հանդիսանում են Արցախի Հանրապետության անբաժանելի մաս։

Արցախյան ազատամարտը, հայության ազատագրական պայքարի մի հանգրվանն է, որին մեզ բախտ է վիճակվել մասնակցել և այսօր էլ պատրաստ ենք ապահովել մեր հայրենի սահմանների անվտանգությունը:

Վճռականորեն հայտարարում ենք, որ մեր պայքարն ավարտված չէ: Իսկ հողերի վերադարձի մասին ցանկացած խոսակցություն մերժելի է և դատապարտելի:

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica