close
Եղանակը Երևանում
11 Դեկտեմբերի 2018
+3°
+10°Ցերեկ
+3°Գիշեր
weather
close
Փոխարժեք
11 Դեկ 2018
USD1485.13
GBP1617.04
EUR1553.48
RUB17.32
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նոր Հայաստանի կանոններով աշխատել ցանկացողները կշարունակեն պաշտոնավարել. Հայկ Մարության

Քաղաքական

10 Հոկտեմբերի 2018, 14:05
 Նոր Հայաստանի կանոններով աշխատել ցանկացողները կշարունակեն պաշտոնավարել. Հայկ Մարության

Այսօր նորընտիր ավագանու անդրանիկ նիստից հետո Երևանի քաղաքապետ Հայկ Մարությանը պատասխանեց լրագրողների հարցերին:

Հարցին, թե, իր կարծիքով, քաղաքապետարանում սև ուժեր կա՞ն, Մարությանը պատասխանեց, որ սև-սպիտակը  կախված էր միայն նախընտրական փուլի և ընտրություններին խանգարել-չխանգարելու հետ: Ճշտող հարցին՝ փոփոխություններ անելիս հաշվի չե՞ն առնվելու մարդկանց՝ սև կամ սպիտակ լինելը, Մարությանն արձագանքեց, որ հարցի իմաստը չի հասկանում: Պարզաբանմանը, որ, օրինակ, խոսքը կուսակցական պատկանելության մասին կարող է լինել, պատասխանեց, որ կուսակցական պատկանելությունն այս պահին կարևոր չէ: «Մեզ համար մարդու պրոֆեսիոնալ կամ ոչ պրոֆեսիոնալ լինելն է էական»,- հավելեց նա:

Մարությանի խոսքով՝  մարդիկ՝ պրոֆեսիոնալները, ովքեր ուզում են աշխատել նոր Հայաստանի կանոններով, պատրաստ են ծառայել Երևանի բնակիչներին, կարող են շարունակել պաշտոնավարել:  Ըստ նրա՝ բնականաբար, լինելու է նաև անհատական մոտեցում: «Գոյություն ունի ինստիտուցիոնալ հիշողություն, և եթե մարդն ունի դա ու պատրաստ է ծառայել, նրան հանել, բերել նոր մարդ, ով թեկուզ լավ մասնագետ է, բայց մինչև խորանա խնդիրների մեջ, ժամանակ կանցնի, ես չեմ տեսնում դրա պատճառը: Իմ որոշումը կայանալու է նաև այն փաստերի հիման վրա, թե արդյո՞ք կկարողանան այդ մարդիկ աշխատել նոր Հայաստանի կանոններով: Ինքնանպատակ ինչ-որ մեկին փոխելու ցանկություն չունեմ»,- ասաց նա:

 Մարությանն, այնուամենայնիվ, հստակեցրեց, որ այս ամենը չի նշանակում, որ բոլորը մնում են, քանի որ շատերը զբաղեցրել են պաշտոններ և չեն իմացել՝ ինչ են անում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica