Արարատի մարզպետը չի տարբերում 40 հազար հեկտարը 40 հեկտարից
Քաղաքական
Այսօր ՀՀ վարչապետ Նիկոլ Փաշինյանը հանդիում ունեցավ Արարատի մարզի համայնքի ղեկավարների ու բնակիչների հետ` քննարկելու ամենասուր խնդիրները: Հանդիպմանը մասնակցում էր նաև Արարատի մարզպետ Գարիկ Սարգսյանը, ով մի պահ անհարմար դրության մեջ հայտնվեց, երբ փորձում էր պատասխանել վարչապետի հարցերին: Նախ Փաշինյանը հարցրեց, թե մարզում որքան կաթիլային ոռոգվող այգիներ կան և որքան հակակարկտային ցանցեր կան:
Գարիկ Սարգսյանը պատասխանեց. «Կաթիլային ունենք մոտ 40 հազար հեկտար»: Տեղից ուղղեցին մարզպետին, որ ոչ թե 40 հազար հեկտար, այլ` 40 հեկտար: Վարչապետի հարցին ոչ ոք չկարողացավ պատասխանել: Պատասխանատուներից ոմանք էլ չէին ներկայացել հանդիպմանը, ինչը զայրացրեց Փաշինյանին:
«Հավաքվել ենք Արարատի մարզում ու պրիմիտիվ տվյալների չենք տիրապետում»,- ասաց Փաշինյանը` դիմելով Արարատի մարզպետին:
