close
Եղանակը Երևանում
20 Նոյեմբերի 2018
+8°
+10°Ցերեկ
+1°Գիշեր
weather
close
Փոխարժեք
20 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե ԱԱԾ և ՀՔԾ պետերը գիտեն, որ Մարտի 1-ին զինվորներն օգտագործվել են որպես վարձկաններ, ինչո՞ւ չկա մեղադրանք. Քոչարյանի պաշտպան

Իրավունք

14 Սեպտեմբերի 2018, 16:55
 Եթե ԱԱԾ և ՀՔԾ պետերը գիտեն, որ Մարտի 1-ին զինվորներն օգտագործվել են որպես վարձկաններ, ինչո՞ւ չկա մեղադրանք.  Քոչարյանի պաշտպան

Ռոբերտ Քոչարյանի պաշտպանները հրավիրած մամուլի ասուլիսում անդրադարձան ՀՔԾ պետ Սասուն Խաչատրյանի այն հայտարարությանը, թե Մարտի 1-ի ժամանակ զինվորները որպես վարձկաններ են օգտագործվել:

«Ներկայացնում են մի մատյան և ասում, թե զինվորները որպես վարձկաններ են օգտագործվել, ինչ-որ օլիգարխներ նրանց գումարներ են բաժանել, և ենթատեքստում կա, որ շատ ապօրինի նպատակներով է այդ ամենն արվել: Ես չգիտեմ, այդ մատյանը չեմ տեսել։ Դուք պատկերացնո՞ւմ եք, որ ես այդ քրեական գործով պաշտպան եմ, բայց լրագրողներն ավելի շուտ են այդ մատյանը տեսել, հետո  նոր` ես»,- ասաց փաստաբաններից Հայկ Ալումյանը։

Նա նշեց, որ քանի որ տեսել է, կարող է մեկնաբանել: «Մեկնաբանեմ այսպես` եթե դա հանցագործություն է, և եթե ԱԱԾ և ՀՔԾ պետերն արդեն գիտեն, թե ով է այդ հանցագործությունն արել, ապա ո՞ւր են մեղադրանքները: Մյուս կողմից` եթե դա դեռ հաստատված չէ, ինչո՞ւ են նրանք հրապարակավ նման հայտարարություններ անում: Սա ուղղակի մանիպուլյացիա է: Եթե կան անհերքելի ապացույցներ, և դա հանցագործություն է, ինչո՞ւ չկան մեղադրյալներ»,- ասաց Հայկ Ալումյանը:

Ըստ նրա` չկա օրինական ուժի մեջ մտած դատավճիռ, չկան հաստատված ապացույցներ, մեղադրանք առաջադրված չէ, բայց ՀՔԾ-ի պետը փաստաթղթերը ասուլիսում ներկայացնում է այնպես, կարծես, դա կայացած փաստ է։ «Եթե դա նրանք համարում են կայացած փաստ, գոնե թող ասեն՝ ում են մեղադրանք առաջադրում»,- հայտարարեց Ալումյանը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica