close
Եղանակը Երևանում
21 Նոյեմբերի 2018
+2°
+11°Ցերեկ
+2°Գիշեր
weather
close
Փոխարժեք
21 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հասկանում եմ՝ ֆրանսերենի դասերի, հանրահավաքների արանքում դժվարանում եք տնտեսությամբ զբաղվել. Աճեմյանը՝ Փաշինյանին

Քաղաքական

12 Սեպտեմբերի 2018, 17:39
 Հասկանում եմ՝ ֆրանսերենի դասերի, հանրահավաքների արանքում դժվարանում եք տնտեսությամբ զբաղվել. Աճեմյանը՝ Փաշինյանին

ԱԺ ՀՀԿ խմբակցության պատգամավոր Կարինե Աճեմյանն այսօր ԱԺ-ում կառավարության հետ հարցուպատասխանի ժամին ներդրումային և տնտեսական քաղաքականությանն առնչվող հարց ուղղեց վարչապետ Նիկոլ Փաշինյանին: Նա նշեց, որ մի շատ մտահոգիչ փաստ կա՝ միջազգային վերլուծաբանները հրապարակել են, որ երկրորդ եռամսյակում ՀՀ-ում ներդրումների ծավալը նվազել է 43 տոկոսով:

«Ես հասկանում եմ, որ ֆրանսերենի դասերի, հանրահավաքների և կոռուպցիայի դեմ պայքարի արանքում դժվարանում եք տնտեսությամբ զբաղվել, բայց ես պետք է տեղեկացնեմ միջազգային վերլուծաբանների այդ հրապարակման մասին: Բացի այդ՝ օրեր առաջ ՌԴ-ում հանդիպել եք գործարարների հետ, և մամուլում հրապարակումներ եղան, որ մի շարք գործարարներ իրենց ակտիվները հանում են բանկերից: Դուք այնպիսի հայտարարություններ եք անում, որոնք վտանգում են ներդրումային դաշտը, իսկ տնտեսությունն առանց ներդրումների չի կարող շնչել: Արդյո՞ք Ձեր այդ հայտարարություններով, սպառնալիքներով չեք վտանգում մեր տնտեսությունը»,- հետաքրքրվեց Աճեմյանը:

 Փաշինյանը պատասխանեց, որ բոլոր միջազգային կառույցները բոլոր ժամանակներում արձանագրել են, որ ներդրումային միջավայրի համար ցանկացած երկրում կա երեք հիմնական խոչընդոտ՝  կոռուպցիան, մենաշնորհները-օլիգարխիան, կոռումպացված դատական համակարգը: «Կարծում եմ, որ ներդրումային միջավայրը բարելավելու նպատակով ենք լրջագույն պայքար մղում կոռուպցիայի դեմ և կարող ենք ասել, որ, ըստ էության, կոռուպցիան ջախջախված է ՀՀ-ում, մենաշնորհներ չկան, անկախ դատական համակարգի ձևավորումն ընթացքի մեջ է: Հունիսին մենք ունեցել ենք 9.6 տոկոս տնտեսական ակտիվության ցուցանիշ, հուլիսին՝ 11.1, և սա լուրջ ցուցանիշներ են: Բանկային համակարգում ավանդներն ավելին են, քան երբևէ, և վերջին ամիսներին մեր բանկային ակտիվներն աճել են շուրջ 100 մլն դոլարով»,- ասաց Փաշինյանը:

Նրա խոսքով ՝ Աճեմյանի նշած երկրորդ եռամսյակի ամիսներին՝ մայիսից հունիս, մի շարք անձինք, այդ թվում՝ ՀՀԿ խմբակցությունից, որոշել էին Հայաստանի բանկերից հանել իրենց գումարները, դրա համար էլ ստացվել են այդ ցուցանիշները: «Ես հավաստիացնում եմ, որ բոլոր այդ փողերը կգտնվեն ու հետ կբերվեն ՀՀ: Մեր հարաբերվելու հիմնական մեթոդը նաև քննադատությունները լսելն է, այնպես որ՝ ձեր ասածն ի գիտություն կընդունենք»,- հավելեց վարչապետը:

Անարմատ ծիլեր
20 Նոյեմբերի 2018, 22:02 Անարմատ ծիլեր
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica