close
Եղանակը Երևանում
14 Նոյեմբերի 2018
+5°
+8°Ցերեկ
+5°Գիշեր
weather
close
Փոխարժեք
14 Նմբ 2018
USD1488.68
GBP1629.86
EUR1549.03
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ունենք նույնիսկ 5 մլրդ դոլարի կարգի ներդրման առաջարկություն. Արծվիկ Մինասյան

Տնտեսական

10 Սեպտեմբերի 2018, 17:12
 Ունենք նույնիսկ 5 մլրդ դոլարի կարգի ներդրման առաջարկություն. Արծվիկ Մինասյան

Ներդրումային առումով` Հայաստանի նկատմամբ հետաքրքրությունը մեծ է. խորհրդարանում լրագրողների հետ զրույցում հայտարարեց տնտեսական զարգացման և ներդրումների նախարար Արծվիկ Մինասյանը` անդրադառնալով այն քննադատություններին, թե նոր կառավարությանը չի հաջողվում ներդրումներ ներգրավել:

«Ես չգիտեմ, թե այդ քննադատական խոսքերի հեղինակներն ովքեր են: Լավ կլինի, որ նրանք փաստարկված խոսեն, որովհետև այն ցուցանիշները, որոնք մենք ներկայացնում ենք, որոնք վիճակագրությունն է փաստում, խոսում են այն մասին, որ մենք ունենք որոշակի դրական զարգացում: Խոսքն ամենևին չի գնում երկնքից թափվող մանանա համարվող ներդրումների մասին: Սա աշխատանք է, որը պետք է կատարել»,- ասաց նա:

Մինասյանն ընդգծեց, որ անտեղի են այն խոսակցությունները, թե չկա տնտեսական քաղաքականություն: «Ո՞նց կարող է չլինել: Կառավարության ամենօրյա գործունեության հիմքում դրված է նպատակային սոցիալ-շուկայական տնտեսական կարգի կառուցման գործընթացը»,- ասաց նախարարը:

Նա նշեց, որ մեծ թվով գործարարներ, մայիսից սկսած, ներդրումներ անելու ցանկություն են հայտնել, բայց կան ներդրումային նախկին ծրագրեր, որոնք շարունակվում են: «Հետաքրքրությունը չափազանց մեծ է: Կան ծրագրեր, կան ցանկություններ, որոնք դեռևս շատ լուրջ ուսումնասիրության փուլում են: Ես հիմա չեմ ուզում անուն հրապարակել, բայց նույնիսկ մենք ունենք 5 մլրդ դոլարի կարգի առաջարկություն: Պարզ է, առաջին հայացքից չի թվում, որ իրատեսական է»,- հավելեց նախարարը:

Հարցին, թե ո՞ր ոլորտում են ցանկանում նման խոշոր ներդրում իրականացնել, Մինասյանը պատասխանեց. «Սկսած խոշոր ենթակառուցվածքներից՝ ճանապարհ, երկաթգիծ, վերջացրած ջրային համակարգերով»: Ըստ նախարարի՝ նման ծրագրերի մասին հայտարարություններ են արվում, քանի դեռ դրանք իրատեսական չեն դարձել:

Ազգային ժողովի նիստն` ուղիղ
14 Նոյեմբերի 2018, 10:24 HES_VIDEOԱզգային ժողովի նիստն` ուղիղ
Գիտնականները դժգոհում են
13 Նոյեմբերի 2018, 23:15 HES_VIDEOԳիտնականները դժգոհում են
Դուք եք որոշում
13 Նոյեմբերի 2018, 21:30 Դուք եք որոշում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica