close
Եղանակը Երևանում
13 Նոյեմբերի 2018
+8°
+11°Ցերեկ
+4°Գիշեր
weather
close
Փոխարժեք
13 Նմբ 2018
USD1488.68
GBP1629.86
EUR1549.03
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վարչապետի հայտարարությունները սպառնալիք էին` ուղղված դատական համակարգին. փաստաբան

Իրավունք

18 Օգոստոսի 2018, 15:11
 Վարչապետի հայտարարությունները սպառնալիք էին` ուղղված դատական համակարգին. փաստաբան

Փաստաբան Հայկ Ալումյանի կարծիքով` ՀՀ վարչապետ Նիկոլ Փաշինյանի երեկվա ելույթում արված հայտարարությունները սպառնալիք էին` ուղղված դատական համակարգին և առհասարակ ազատ խոսք արտահայտողներին: «Հնչեցին սպառնալիքներ` ընդ որում առանց թաքցնելու: Որպես իրավաբան կարող եմ ասել, որ մեր ոլորտը նման մոտեցումների դեպքում կարող է շատ ավելի վատ վիճակում հայտնվել, քան մինչ այդ էր»,-ասաց նա և հավալեց. «Ինձ թվում էր, թե հնարավոր չէ ավելի վատ վիճակ, քան ունեինք 100 օր առաջ, սակայն պարզվում է` ավելի վատ էլ կարող է լինել»,-նկատեց նա:

Հարցին, թե արդյո՞ք կիսում է վարչապետի այն հայտարարությունը, թե Մարտի 1-ի գործը բացահայտված է, Հայկ Ալումյանը պատասխանեց. «Ես չգիտեմ , թե ինչ ծավալով է բացահայտված Մարտի 1-ի գործը, արդյոք 10 զոհերի սպանության պատճառները, սպանողները և սպանության հրահանգ տվողները և զինողները պարզված ու բացահայտված են, և եթե ոչ, ինչպե՞ս կարելի է ասել, որ Մարտի մեկի գործն ամբողջությամբ բացահայտված է, լավ կլիներ` վարչապետի անունից պաշտոնական տեսակետ ասելու իրավուքն ունեցող որևէ մեկը մեզ համար պարզաբաներ, թե ինչպե՞ս է այն բացայահտված»:

Հիշեցնենք, որ երեկ Նիկոլ Փաշինյանը հղում կատարելով ՀՔԾ պետ Սասուն Խաչատրյանի հարցազրույցները, նշեց, որ Մարտի 1-ի գործը, ըստ էության, ամբողջ ծավալով բացահայտված է:

Ալումյանի խոսքով` Փաշինյանի ելույթում հատվածներ կային, որտեղ նա վերապահումով էր մոտենում ազատ խոսքի իրավունքին: «Վարչապետն իր ելույթում ազատ խոսքի իրավունքը վերապահեց ոչ բոլորին, այլ միայն նրանց, ովքեր իր կարծիքով մտածել սովորելուց հետո կարող են ազատ խոսք արտահայտել: Այսինքն մեզ մոտ ազատ խոսքի իրավունքը կապվում է Սահմանադրությամբ մարդուն տրված իրավունքից, այլ նրա հետ, թե արդյոք տվյալ մարդն արդեն համարում է, որ ինքը մտածել սովորել է»,-նշեց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica