close
Եղանակը Երևանում
26 Սեպտեմբերի 2018
+16°
+27°Ցերեկ
+15°Գիշեր
weather
close
Փոխարժեք
26 Սեպ 2018
USD1481.66
GBP1633.53
EUR1566.62
RUB17.32
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մենք պարզապես ջախջախել ենք մեղադրանքը, քարը քարի վրա չենք թողել. Ռոբերտ Քոչարյան

Քաղաքական

16 Օգոստոսի 2018, 21:16
 Մենք պարզապես ջախջախել ենք մեղադրանքը, քարը քարի վրա չենք թողել. Ռոբերտ Քոչարյան

ՀՀ երկրորդ նախագահ Ռոբերտ Քոչարյանը «Երկիր մեդիա» հեռուստաընկերությանը տված բացառիկ հարցազրույցում անդրադարձավ շարք հարցերի: Նախ հարցին, թե արդյո՞ք կարծում է, որ իր անձի դեմ արտահայտվողների մթնոլորտ է ձևավորվել, Քոչարյանը նշեց, որ չի կարծում, թե իր դեմ շատ մարդիկ են տրամադրված: Ըստ Քոչարյանի, նրանք ագրեսիվ փոքրամասնություն են իրենցից ներկայացնում, դրանց մեջ հեղափոխական ակտիվիստներ են ու այն մարդիկ, ովքեր տարիներ շարունակ իր դեմ են եղել: Ի վերջո, ըստ երկրորդ նախագահի, ընտրություններում իրեն դեմ է արտահայտվել ընտրողների 36  տոկոսը, և հենց դրանց մեջ են իր դեմ տրամադրված մարդիկ:

Սակայն, ըստ Քոչարյանի,  շատ շատերն են գոհունակությամբ հիշում այն տարիները, երբ ինքը նախագահ է եղել:

Հարցին, թե ինչը  պատճառ դարձավ դատարանից ազատ արձակման համար, Քոչարյանը պատասխանեց. «Մենք պարզապես ջախջախել ենք մեղադրանքը, քարը քարի վրա չենք թողել: Սա այն դեպքն է, երբ ամբողջ մեղադրանքը կառուցվածք է եղել կեղծ եզրակացությունների վրա: Դատարկ ցուցմունքներ, որևէ բան չկա: Գործում որևէ գաղտնիք չկա, սակայն ըստ օրենքի, կան նախաքննական գաղտնիքներ և չեմ  կարղ շատ բաների մասին բարձրաձայնել»:

Քոչարյանը հորդորեց լրագրողներին պնդել և պահանջել իրավապահ մարմիններից, որ  ամբողջ գործընթացը թափանցիկ լինի, նախաքննական գաղտնիքը հանեն, որպեսզի պաշտպանվող կողմը բարձրաձայն խոսի ամեն ինչի մասին:

«Եվ դուք այդ ժամանակ դա կտեսնեք, որ շինծու գործ է, քաղաքական հետապնդումով պայմանավորված»,- ասաց Քոչարյանը:

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica