close
Եղանակը Երևանում
12 Դեկտեմբերի 2018
+6°
+10°Ցերեկ
+2°Գիշեր
weather
close
Փոխարժեք
12 Դեկ 2018
USD1485.28
GBP1612.42
EUR1552.35
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Քաղաքացիական բժշկական հաստատությունները կունենան հատուկ բաժանմունքներ` դատապարտյալների համար

Հասարակություն

9 Օգոստոսի 2018, 11:50
 Քաղաքացիական բժշկական հաստատությունները կունենան հատուկ բաժանմունքներ` դատապարտյալների համար

Այսօր կառավարության նիստում արդարադատության նախարար Արտակ Զեյնալյանը ներկայացրեց օրենքի նախագիծ, որի ընդունումը պայմանավորված է բանտային առողջապահական ոլորտի բարեփոխումներով, մասնավորապես` բանտային առողջապահական համակարգը ընդհանուր առողջապահական համակարգին ինտեգրելու հրամայականով: Առաջարկվում է Երևանում 500 և ավելի մահճակալ ունեցող, իսկ մարզերում` 100 և ավելի մահճակալ ունեցող բազմապրոֆիլ բժշկական հաստատություններում լիցենզավորման պայմանների ցանկում ավելացնել մի պայման, ըստ որի նրանք պետք է ունենան հատուկ բաժանմունք` նախատեսված ազատազրկված, կալանավորված անձանց համար:

Այս պահանջը Երևանի հիվանդանոցների համար պարտադիր կլինի մեկ տարի հետո, մարզերի համար` երկու տարի հետո: Այդ դեպքում պետությունը կկարողանա իր պոզիտիվ պարտականությունը կատարել դատապարտյալների անհրաժեշտ բուժում մատուցելու առումով:

Նախարարը նշեց, որ անհրաժեշտություն է առաջացել, որ բժշկական սպասարկումն ու ծառայությունները դուրս բերվեն ՔԿՀ-ներից, ինչը նաև միջազգային պարտավորությունների համատեքստում է նախանշված: Վարչապետ Փաշինյանը հետաքրքրվեց` դա նշանակում է, որ երկարաժամկետ ապագայում դատապարտյալների հիվանդանոց չեն ունենալու՞: Նախարարը նշեց, որ օբյեկտիվորեն չեն կարող չունենալ նման հիվանդանոց : Երկու նման հիվանդանոց կգործի թեթև, փոքր հիվանդությունների բուժման կամ խնամքի համար: Իսկ դատապարտյալների համար նեղ մասնագիտական բուժման համար կնախատեսվեն քաղաքացիական հիվանդանոցները: Որոշումն ընդունվեց:

Ի՞նչ ընդդիմություն
12 Դեկտեմբերի 2018, 12:55 Ի՞նչ ընդդիմություն
Չավուշօղլուն կայցելի Բաքու
12 Դեկտեմբերի 2018, 12:21 Չավուշօղլուն կայցելի Բաքու
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica