close
Եղանակը Երևանում
20 Հոկտեմբերի 2018
+11°
+22°Ցերեկ
+12°Գիշեր
weather
close
Փոխարժեք
20 Հոկ 2018
USD1483.80
GBP1630.39
EUR1554.58
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Սասնա ծռեր» խմբի անդամ Գագիկ Եղիազարյանն ազատ արձակվեց կալանքից

Իրավունք

8 Օգոստոսի 2018, 13:09
 «Սասնա ծռեր» խմբի անդամ Գագիկ Եղիազարյանն ազատ արձակվեց կալանքից

Երևանի ընդհանուր իրավասության դատարանի դատավոր Մեսրոպ Մակյանն այսօր բավարարեց պաշտպանական կողմի միջնորդությունն ու ՊՊԾ գնդի գրավման գործով ամբաստանյալ Գագիկ Եղիազարյանի նկատմամբ ընտրված խափանման միջոցը: Եզիազարյանը պատգամավորների անձնական երաշխավորությամբ ազատ արձակվեց կալանքից:

Նշենք, որ ամբաստանյալի համար անձնական երաշխավորություն էին ներկայացրել «Ծառուկյան» խմբակցության պատգամավորներ Վահե Էնֆիաջյանը, Շաքե Իսայանը եւ Հակոբ Նազարյանը: Նրանցից յուրաքանչյուրը 500 հազարական դրամ են վճարել դատարանի դեպոզիտ հաշվին:

Հիշեցնենք , որ Գագիկ Եղիազարյանին մեղադրանք է առաջադրվել այն բանի համար, որ նա 2016թ. հուլիսի 17-ին կազմակերպված խմբի կազմում ապօրինի կերպով ձեռք է բերել, պահել, փոխադրել և կրել հրազեն ու ռազմամթերք, ապա կազմակերպված խմբի կազմում, զենքի գործադրմամբ, կյանքի և առողջության համար վտանգավոր բռնությամբ՝ զավթել և պահել է շենքեր, շինություններ և տրանսպորտի միջոցներ՝ զուգորդված դրանք ոչնչացնելու, վնասելու սպառնալիքով, ինչպես նաև նույն եղանակներով պատանդ է վերցրել և պահել երկուսից ավելի անձանց:

Հիշյալ գործողությունները Եղիազարյանը կատարել է զավթածը և պատանդներին ազատելու պայմանով պետությանը գործողություններ կատարելուն հարկադրելու նպատակով, նույն ժամանակ կազմակերպված խմբի կազմում կյանքի և առողջության համար վտանգավոր բռնություն գործադրելով, ինչպես նաև դրա գործադրման սպառնալիքով՝ հափշտակել է հրազեն ու ռազմամթերք։

Հոկտեմբերի 22-24-ը՝ թույլ անձրև
19 Հոկտեմբերի 2018, 17:57 Հոկտեմբերի 22-24-ը՝ թույլ անձրև
Ալիևը այցով Թուրքիայում է
19 Հոկտեմբերի 2018, 14:34 Ալիևը այցով Թուրքիայում է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica