close
Եղանակը Երևանում
22 Հոկտեմբերի 2018
+15°
+19°Ցերեկ
+11°Գիշեր
weather
close
Փոխարժեք
22 Հոկ 2018
USD1483.80
GBP1630.39
EUR1554.58
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ներառական կրթություն ապահովելու համար անհրաժեշտ է ներառական հասարակություն

Իրավունք

18 Հուլիսի 2018, 21:57
 Ներառական կրթություն ապահովելու համար անհրաժեշտ է ներառական հասարակություն

Կրթական հաստատություններում ներառական կրթության համար առկա չեն բավարար պայմաններ, ավելին՝ վերապատրաստված չեն նաև մանկավարժները։  Այս մասին այսօր «Ներառական կրթության զարգացման հեռանկարները Հայաստանում» խորագրով քննարկման ժամանակ ասել է Մարդու իրավունքների պաշտպան Արման Թաթոյանը:

Միջոցառմանը բացման խոսքով են հանդես եկել նաև Կրթության և գիտության նախարար Արայիկ Հարությունյանը, Աշխատանքի և սոցիալական հարցերի նախարար Մանե Թանդիլյանը և Առողջապահության նախարար Արսեն Թորոսյանը: Նախարարներն իրենց խոսքում կարևորել են գերատեսչությունների միջև համակարգված աշխատանքը և շեշտել, որ ներառական կրթություն ապահովելու համար անհրաժեշտ է նախևառաջներառական հասարակություն։

Մարդու իրավունքների պաշտպանի աշխատակազմի, «Սեյվդըչիլդրեն» կազմակերպության և վերոհիշյալ նախարարությունների համատեղ կազմակերպած քննարկման ժամանակ ներկայացվել են ներառական կրթության ոլորտի հիմնախնդիրները, որոնք տեղ են գտել  Պաշտպանի զեկույցներում, ինչպես նաև հանրակրթության ոլորտում համընդհանուր ներառական կրթության պետական քաղաքականությունը, սոցիալական արդարության և ներառականության արդի մարտահրավերներն ու հնարավորությունները կրթության ոլորտում:

 Կողմերը պատրաստակամություն են հայտնել համատեղ և քաղաքացիական հասարակության ներգրավմամբ հասնել խնդիրների լուծմանը։

 Նշենք, որ  վաղ առավոտյան Ազգային ժողովի նախագահ Արա Բաբլոյանը, Մարդու իրավունքների պաշտպան Արման Թաթոյանը,Աշխատանքի և սոցիալական հարցերի նախարար Մանե Թանդիլյանը և Առողջապահության նախարար Արսեն Թորոսյանն այցելել են ներառական նախադպրոցական կրթություն ապահովող Երևանի թիվ 92 մանկապարտեզ։ Նրանք քննարկել են պոլիկլինիկա-մանկապարտեզ-դպրոց ներառական մոդելով աշխատող շղթայի էֆեկտիվությունը և այլ հաստատություններում տեղայնացնելու տարբերակները։

Արմեն Սարգսյանը մեկնում է Ժնև
22 Հոկտեմբերի 2018, 10:43 Արմեն Սարգսյանը մեկնում է Ժնև
Սպասվում է անձրև
20 Հոկտեմբերի 2018, 18:00 Սպասվում է անձրև
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica