close
Եղանակը Երևանում
13 Դեկտեմբերի 2018
+1°
+7°Ցերեկ
+0°Գիշեր
weather
close
Փոխարժեք
13 Դեկ 2018
USD1485.23
GBP1614.16
EUR1551.80
RUB17.32
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բա էդ ավազակի փողը ո՞վ ա տալու. Շամիրամում սպանդի մեջ մեղադրվողը հունից դուրս եկավ

Իրավունք

16 Մարտի 2018, 13:35
 Բա էդ ավազակի փողը ո՞վ ա տալու. Շամիրամում սպանդի մեջ մեղադրվողը հունից դուրս եկավ

Արագածոտնի մարզի ընդհանուր իրավասության դատարանում լարված մթնոլորտում ընթանում է Շամիրամ գյուղում 4 անձի սպանության գործով դատաքննությունը: Քիչ առաջ ամբաստանյալների պաշտպան Կրոմվել Գրիգորյանը միջնորդեց դատարանին` փոխել իր պաշտպանյալ Քյարամ Քալաշյանի խափանման միջոց կալանավորումը:

Քյարամ Քալաշյանը սպանդի մեջ մեղադրվող Թելման Քալաշյանի հորեղբայրն է: Նա մեղադրվում է ծանր հանցագործությունը պարտակելու մեջ:

Տուժող Միշա Օզմանյանն առարկեց միջնորդության դեմ՝ նշելով, որ եթե Քյարամ Քալաշյանը սգո սրահում կանգներ իր եղբորորդու դիմաց, փակեր կրակոցների ճանապարհը, երիտասարդներ չէին զոհվի: «Եթե կանխեր, էդ ավազակը չէր սպանի մարդկանց»,- ասաց նա:

Այս արտահայտությունը բարկացրեց ամբաստանյալ Թելման Քալաշյանին: «Բա էդ ավազակի փողերն ո՞վ ա տալու»,- բղավեց նա, ինչից հետո դատարանում կրկին մեծ աղմուկ բարձացավ: Տուժած կողմի հարազատները սկսեցին եզդիերեն հայհոյանքների ու անեծքների տարափը:

Նախագահող դատավոր Սուրեն Մնոյանը սանկցիա կիրառեց և մեկ ժամով դատական նիստերի դահլիճից հեռացրեց ամբաստանյալ Թելման Քալաշյանին, տուժող Միշա Օզմանյանին և սպանվածներից մեկի հարազատներից մի կնոջ:

Այս պահին դատարանը հեռացել է խորհրդակցական սենյակ՝ միջնորդության վերաբերյալ որոշում կայացնելու:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica