close
Եղանակը Երևանում
20 Սեպտեմբերի 2017
+30°
+32°Ցերեկ
+20°Գիշեր
weather
close
Փոխարժեք
20 Սեպ 2017
USD1478.23
GBP1647.91
EUR1574.40
RUB18.26
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կատարյալ անգրագիտություն է. Շարմազանովը՝ Բագրատյանի գրառման մասին

Քաղաքական

13 Սեպտեմբերի 2017, 12:10
 Կատարյալ անգրագիտություն է. Շարմազանովը՝ Բագրատյանի գրառման մասին

ՀՀ նախկին վարչապետ Հրանտ Բագրատյանը ֆեյսբուքյան իր էջում գրառում է արել, որ Հայ Առաքելական եկեղեցին 2 անգամ նախաձեռնել է հայոց պետականության «կամավոր» մահը: Խորհրդարանում լրագրողների հետ զրույցում ԱԺ փոխխոսնակ Էդուարդ Շարմազանովն այս գրառումը որակեց որպես կատարյալ անգրագիտություն: Նա ասաց, որ անհասկանալի բան է կատարվում:

«Հարգանք տածելով նրա անձի ու ծառայությունների նկատմամբ` այնուամենայնիվ, պիտի ասեմ, որ ինչ-որ անհասկանալի բան է կատարվում. պարոն Բագրատյանը կա'մ փորձում է օրիգինալ երևալ, կա'մ այլևս զբաղված չէ օրենսդրական գործունեությամբ և ուզում է իր անձի շուրջ որոշակի աժիոտաժ լինի, ուստի պատերազմ է հայտարարում հայոց լեզվին, ապա` Առաքելական եկեղեցուն: Տեսնենք հաջորդը որն է լինելու»,-ասաց Շարմազանովը, ապա հավելեց, որ ամեն դեպքում երևույթը տգեղ է, բացի տգեղից, ըստ նրա, պրոֆեսիոնալ չէ, անգրագետ է:

Շարմազանովի խոսքով՝ եթե նա տնտեսական նյութի մասին խոսեր, ապա ինքը չէր անդրադառնա: Նա պատմական փաստարկներ բերեց, թե ինչու է սխալվում Բագրատյանը: Ըստ ԱԺ փոխխոսնակի` մենք առաջին դարում էլ ենք պետություն կորցրել, այդ ժամանակ եկեղեցի չենք ունեցել, իսկ 5-րդ դարում, եթե ամեն ինչ արվել է, որ պետությունը պահպանվի, ապա միակ մարդը եղել է Սահակ Պարթև կաթողիկոսը և եկեղեցին: Շարմազանովը նաև հերքեց 1045 թվականին եկեղեցու պատճառով պետականություն կորցնելու` Բագրատյանի ասածները:

«Ասում է` 428-652 թթ., որևէ արտաքին սպառնալիք չունենալով, մենք պետություն ենք կորցրել: Սա կատարյալ անգրագիտություն է: Արդեն 387 թվականին Հայաստանը բաժանվել էր Պարսկաստանի և Հռոմի միջև, իսկ 521 թվականին` Պարսկաստանի և Բյուզանդիայի միջև: Եթե չգիտի, ապա ասում եմ, և եթե կարծում է, թե Պրասկաստանն ու Բյուզանդիան չեն եղել հզոր ուժեր, ապա սխալվում է»,- նշեց Շարմազանովը:

Ըստ նրա` եթե Բագրատյանը նպատակ ունի սեպ խրել եկեղեցու և պետության մեջ, ապա դա չի ստացվի, քանի որ եկեղեցին կապ չունի մեր պետության կործանման հետ:

«Ես այստեղ միտում եմ տեսնում: Պարոն Բագրատյանին` մեկ խորհուրդ` լավ տնտեսագետ եք, զբաղվեք տնտեսագիտությամբ, պատմաբանների գործը թողեք պատմաբաններին»,- ասաց ԱԺ փոխխոսնակը:

Լրագրողները նրանից հետաքրքվեցին` արդյո՞ք ճիշտ է փոքր Հաայստանում այսքան եկեղեցի կառուցելը: Շարմազանովն արձագանքեց. «Այո, կողմ եմ, որ Հայաստանում այսքան եկեղեցի կառուցվի, որովհետև եկեղեցին միակ տեղն է, որտեղ մարդ մտնում է դրական էներգիայով, ստանում է դրական էներգիա: Միակ ճշգրիտ ներդրումը եկեղեցի կառուցելն է, թող բոլորն էլ կառուցեն»:

Կենտրոնում ջուր չի լինի
20 Սեպտեմբերի 2017, 17:48 Կենտրոնում ջուր չի լինի
Հրդեհ՝ Պեմզաշեն գյուղում
20 Սեպտեմբերի 2017, 17:08 Հրդեհ՝ Պեմզաշեն գյուղում
Արտահոսք գազի բալոնից
20 Սեպտեմբերի 2017, 14:16 Արտահոսք գազի բալոնից

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica