close
Եղանակը Երևանում
16 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
16 Սեպ 2019
USD1476.18
GBP1592.94
EUR1528.61
RUB17.41
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առաջին անգամը չէ՝ Ադրբեջանի զինված ուժերը թաքնվում են խաղաղ բնակչության թիկունքում. Կորյուն Նահապետյան

Քաղաքական

6 Հուլիսի 2017, 13:27
 Առաջին անգամը չէ՝ Ադրբեջանի զինված ուժերը թաքնվում են խաղաղ բնակչության թիկունքում. Կորյուն Նահապետյան

Ազգային ժողովում ՀՀԿ խմբակցության պատգամավոր, պաշտպանության և անվտանգության հարցերի մշտական հանձնաժողովի նախագահ Կորյուն Նահապետյանը լրագրողներին ասաց, որ Ադրբեջանն իր քայլերով ցույց է տալիս, որ որևէ կերպ պատրաստ չէ Լեռնային Ղարաբաղի հակամարտության խաղաղ կարգավորմանը:

«Վերջին ժամանակահատվածում Ադրբեջանի կողմից հաճախ ձեռնարկվել են ռազմական գործողություններ՝ տարբեր տրամաչափի զինատեսակների կիրառմամբ, ինչը ցույց է տալիս, որ Ադրբեջանը որևէ կերպ պատրաստ չէ խաղաղ ճանապարհով կարգավորել Լեռնային Ղարաբաղի հակամարտությունը: Այս իրավիճակում, բնականաբար, մեր գործողությունները պետք է լինեն շատ հստակ: Եվ դուք, եթե հետևեում եք վերջին օրերի իրադարձություններին, կարող եք համոզված լինել, որ Արցախի Պաշտպանության բանակի պատասխան գործողությունները համապատասխանել են իրավիճակին»,- նշեց նա:

Նահապետյանի խոսքով` առաջին անգամը չէ, որ արձանագրում են, որ Ադրբեջանի զինված ուժերը թաքնվում են խաղաղ բնակչության թիկունքում, ինչը ցույց է տալիս, որ նրանց որևէ կերպ չի մտահոգում իրենց բնակչության անվտանգությունը:

«Կարծում եմ, որ մենք պետք է շարունակենք համակարգված գործել միջազգային տարբեր հարթակներում: Կարծում եմ, որ առաջիկա մի քանի օրերին մենք թե՛ քաղաքական, թե՛ դիվանագիտական խողովակներով կիրականացնենք հստակ, նպատակադրված գործողություններ»,- շեշտեց Նահապետյանը:

Նա հայտնեց, որ օրերս Կիևում ՆԱՏՕ-ի Խորհրդարանական վեհաժողովի սեմինարի ընթացքում Ադրբեջանի պատվիրակը փորձել է խեղաթյուրել իրականությունը՝ ասելով, թե ղարաբաղա-ադրբեջանական շփման գծում լարվածության աճի մեղավորը հայկական կողմն է: «Իհարկե, նա համարժեք պատասխան ստացավ, սակայն սա ցույց է տալիս, որ Ադրբեջանն իրականացնում է հեռուն գնացող քաղաքականություն, որի հիմնական նպատակը նոր լայնամասշտաբ ռազմական գործողություններ սկսելն է: Մենք պետք է շատ զգոն լինենք, պատրաստ: Եվ այդ մասով թե' քաղաքական, թե' ռազմական և թե' դիվանագիտական մեր բոլոր կարողությունները պետք է համախմբված օգտագործենք»,- եզրափակեց Նահապետյանը:

Բերքի տոն՝ Երևանում
14 Սեպտեմբերի 2019, 16:05 Բերքի տոն՝ Երևանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica