close
Եղանակը Երևանում
15 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
15 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բրուցելոզի կանխարգելումն սկսվում է իրազեկվածության բարձրացումից

Հասարակություն

4 Հունիսի 2016, 17:18
 Բրուցելոզի կանխարգելումն սկսվում է իրազեկվածության բարձրացումից

ՄԱԿ-ի Պարենի և գյուղատնտեսության կազմակերպությունը (ՊԳԿ) «Տեխնիկական և ինստիտուցիոնալ աջակցություն Հայաստանի անասնաբուժական ծառայություններին» ծրագրի շրջանակում հունիսի 3-4-ը Ծաղկաձորում լրատվական միջոցների ներկայացուցիչների համար կազմակերպել էր վերապատրաստման դասընթաց:

 «Բրուցելոզի արդի հիմնահարցերը» խորագրով դասընթացի նապատակն էր բարձրացնել մասնակիցների իրազեկվածությունը զոոնոտիկ հիվանդությունների, մասնավորապես` բրուցելոզի մասին: Դասընթացի ընթացքում ՀՀ Առողջապահության և գյուղատնտեսության նախարարությունների ներկայացուցիչները ներկայացրեցին Հայաստանում բնակչության շրջանում բրուցելոզի համաճարակային իրավիճակը և հիվանդության կանխարգելման ուղղությամբ տարվող աշխատանքները։ Մասնակիցները դասընթացավարների հետ քննարկեցին ոլորտում առկա հիմնախնդիրները, այդ ուղղությամբ իրականացվող աշխատանքները և լուսաբանման տեսանկյունից առկա բացերն ու լուծման ուղիները:

Լրատվամիջոցների ներկայացուցիչները կարևորեցին նմանատիպ ուսուցողական հանդիպումները և դրանց պարբերաբար կազմակերպումը։ Կարևորելով լրատվական միջոցների դերը բրուցելոզի կառավարման գործընթացում՝ ՊԳԿ-ի Բրուցելոզի ծրագրի ազգային համակարգող Զարուհի Բեգլարյանը կոչ արեց պայքարել միասնական ուժերով՝ ներգրավելով ինչպես հասարակական կառույցների, այնպես էլ՝ ԶԼՄ-ի ներկայացուցիչներին:

Նմանօրինակ վերապատրաստման դասընթացների և քննարկումների միջոցով ծրագիրը փորձում է կարևորել բրուզելոզ հիվանդությանն առնչվող թեմաների լուսաբանումը, ինչը կբարձրացնի ընդհանուր ազգաբնակչության իրազեկվածության մակարդակը և կնպաստի հիվանդության կանխարգելմանը։ «Տեխնիկական և ինստիտուցիոնալ աջակցություն Հայաստանի անասնաբուժական ծառայություններին» ծրագրի ընդհանուր նպատակն է հզորացնել անասնաբուժական ծառայությունների հանրային ոլորտը՝ նպաստելով Հայաստանում սննդի անվտանգության համակարգի և գյուղատնտեսության կայուն զարգացման բարելավմանը:

Ծրագիրը ֆինանսավորվում է Զարգացման և համագործակցության շվեյցարական գործակալության կողմից և իրականացվում ՊԳԿ-ի և ՌԶԳ-ի կողմից: Ծրագրի անմիջական շահառուներն են ֆերմերներն ու Սյունիքի մարզի գյուղական համայնքների բնակչությունը: Ծրագրի ազդեցությունը սոցիալական մակարդակում կլինի գյուղի բնակչության հանրային առողջության բարելավված ստանդարտները և եկամուտների աճը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica