Ջավախքի հաղթանակը. Վրաստանի չեմպիոնները` Նինոծմինդայի Օրոջալար գյուղից

Ջավախքը կրկին ապացուցեց իր մարզական բարձր ներուժը։ Հպարտությամբ ենք հայտնում, որ Նինոծմինդայի մունիցիպալիտետի Օրոջալարի հանրային դպրոցի աղջիկների թիմը նվաճեց «Սպորտային օլիմպիադա 2026»-ի Վրաստանի չեմպիոնի կոչումը։

​Սա ոչ միայն մեր դպրոցի, այլև ողջ Ջավախքի հասարակության միասնության և հաղթանակի արդյունքն է։ Մեր գյուղը վերստին հաստատեց, որ ունի տաղանդավոր և նպատակասլաց զավակներ։

​Այս մեծ հաջողության հիմքում ընկած է մեր սիրելի ուսուցչի՝ Աշոտ Սողոյանի անմնացորդ նվիրումը։ 

Տարիներ շարունակ Օրոջալարի հանրային դպրոցում ֆիզկուլտուրայի դասավանդող պարոն Սողոյանը իր մասնագիտական հմտություններով և սիրով կերտել է այս հաղթանակը։ 

Ինչպես և աղջիկները, պարոն Սողոյանը նույնպես մեր հարազատ Ջավախքի զավակն է։

​Հատուկ շնորհավորանքներ մեր թիմի առաջատար Վարդուհի Էլոյանին։ Վարդուհին իր փայլուն խաղով և 18 միավորով ճանաչվեց մրցաշարի լավագույն խաղացող՝ դառնալով մեր գյուղի և Ջավախքի հպարտությունը։

​Շնորհակալություն բոլորիդ՝ ծնողներին, ուսուցիչներին և յուրաքանչյուր ջավախքցու, ով իր աջակցությամբ կանգնած էր մեր թիմի կողքին։ Այս հաղթանակը մերն է՝ Օրոջալարի՛, մեր Ջավախքի՛։

Նաիրուհի Չոբանյան