Երեկվա հանրային բանավեճերի ժամանակ կրած ջախջախումից և հարցումների արդյունքներին ծանոթանալուց հետո մեր ահեղ բռնապետը վախից տակն է արել. Խաչիկյան

Քաղաքագիտության դոկտոր Արթուր Խաչիկյանը գրում է.

«Բռնապետը վախեցել է

Երեկվա հանրային բանավեճերի ժամանակ կրած ջախջախումից և հարցումների արդյունքներին ծանոթանալուց հետո մեր ահեղ բռնապետը վախից տակն է արել։ Ինչպես հիշում եք, նա և իր խունտան պարծենում էին, թե հեշտությամբ կհավաքեն 60+%։

Բայց հիմա նրանք համոզվեցին, որ կստանան սեփական հետույքի 60+%-ը՝ արծաթե սկուտեղի վրա։ Եվ, համապատասխանաբար, սկսեցին հիստերիայի մեջ ընկնել ու պտուտակները ձգել։

Չօգնեցին ո՛չ ընդդիմության զանգվածային ձերբակալությունները, ո՛չ ծեծուջարդերը, ո՛չ էլ ընտրողների ահաբեկումները։ Անգամ տեռորի նման արշավից հետո մեր լրագրողը չկարողացավ հաջողության հասնել։

Եվ, համապատասխանաբար, լուզերների արքան անցավ մոլդովական բալետի հաջորդ արարին։ Տեսնելով, որ նույնիսկ տնային կալանքի տակ գտնվելով՝ իր գլխավոր մրցակից Սամվել Կարապետյանն իրեն ոչ մի շանս չի թողնում, նա որոշեց վախկոտաբար դուրս գալ խաղից։

Եվ անգամ այս քայլին գնալու համար նրա համարձակությունը չհերիքեց, ուստի նա խնդրեց "եվրոպական" կուսակցության իր կամակատարին իր փոխարեն նախաձեռնել այդ քայլը։ Դրանից հետո խաղարկվեց մի սիրուն ներկայացում, որտեղ "աշխատավորների բազմաթիվ խնդրանքներով" բողոք ներկայացվեց՝ ստալինյան ժամանակների լավագույն ավանդույթներով։

Խառնվել եք դուք, տղանե՛ր, շատ եք խառնվել և՛ ձեր ժողովրդավարության, և՛ ընտրությունների, և՛ բռնաճնշումների, և՛ մատնագրերի հարցում։

Իսկ սրանից պետք է անել հետևյալ հետևությունը. բռնապետը վախեցած է, նրա խունտան թույլ է, և եթե ժողովուրդը միասնական ճակատով մասնակցի ընտրություններին ու հաստատակամորեն հայտարարի, որ ևս հինգ տարի բռնապետություն չի հանդուրժելու, ապա այս խունտան ոտքի վրա չի մնա։

Մի՛ վախեցեք, սիրելի՛ հայրենակիցներ, ասե՛ք ձեր խոսքը, թող այս խայտառակ, դավաճանական ռեժիմը սրբվի-տարվի ժողովրդի կամքով, համաժողովրդական ցասման ալիքով։

Մարդիկ չեն փոխվում։ Ով ստել ու դավաճանել է մեկ անգամ, կանի դա ևս շատ անգամներ։ Ով խաբել և դավաճանել է արցախցիներին ու սյունեցիներին, վաղը կխաբի ու կդավաճանի ՁԵԶ։

"Չարը հաղթանակում է, երբ բարի մարդիկ ոչինչ չեն անում", ասել է 18-րդ դարի անգլիացի փիլիսոփա Էդմոնդ Բյորկը։ Թույլ մի՛ տվեք, որ չարը, դավաճանությունն ու սուտը հաղթեն։

Հիշե՛ք, որ ոչ ոք չի կարող ստիպել ձեզ քվեարկել ձեր կամքին հակառակ։ Ոչ ոք իրավունք չունի պահանջել, որ դուք ապացույցներ ցույց տաք, թե ում օգտին եք քվեարկել։

Եթե խախտումներ նկատեք, արե՛ք լուսանկարներ կամ տեսանյութեր, գրե՛ք կարճ դիմում և ցո՛ւյց տվեք այն համապատասխան անձանց՝ դիտորդներին, ընտրական հանձնաժողովի անդամներին, լրագրողներին։ Փաստագրե՛ք ամեն ինչ, գրի՛ առեք վկաների անունները։ Դա հետո պետք կգա։

Իսկ եթե մեր հասարակությունը կրկին ընտրի այս դավաճան, ստախոս, փողոցային խմբակին, ապա թող լինի այնպես, ինչպես ինքն է ուզում։ Ես այլևս ասելու բան չեմ ունենա և այլևս հայկական քաղաքականության հարցերով չեմ զբաղվի։ Թող լինի այնպես, ինչպես ուզում է մեր հասարակությունը։ Բայց հետո թող ոչ ոք չբողոքի հետևանքներից ու չասի, թե ձեզ չեն զգուշացրել։

Շնորհակալություն»։