ՀՀ-ի ԵԱՏՄ-ից դուրս գալը կարող է ազդել գազի գնի վրա․ Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ Հայաստանի՝ Եվրասիական տնտեսական միությունից դուրս գալու և Եվրամիության ուղղությամբ շարժվելու դեպքում կարող են վերանայվել Ռուսաստանի հետ գործող արտոնյալ տնտեսական պայմանները, այդ թվում՝ ռուսական գազի մատակարարման գինը։

Լրագրողների հետ հանդիպման ժամանակ Պեսկովը նշել է, որ Ռուսաստանը շարունակում է հանդես գալ որպես էներգակիրների հուսալի և պատասխանատու մատակարար՝ հատկապես իր գործընկերների և դաշնակիցների համար։ Նրա խոսքով՝ Հայաստանը ներկայում ռուսական գազը ստանում է արտոնյալ պայմաններով, ինչը հնարավոր է ընդհանուր ինտեգրացիոն համակարգում գտնվելու շնորհիվ։

«Նման ռեժիմը չի կարող գործել այլ ինտեգրացիոն միավորումների անդամ երկրների համար, տվյալ դեպքում խոսքը վերաբերում է Եվրամիությանը»,- ընդգծել է Պեսկովը։

ՌԴ նախագահի խոսնակը նաև հիշեցրել է, որ Հայաստանի իշխանություններն իրենք են բազմիցս բարձր գնահատել ռուսական գազի գործող գինը՝ այն անվանելով «շատ գրավիչ» և արտոնյալ։