Փաշինյանը կրկին ստել է

ՀՀ ԿԳՄՍ նախարար Ժաննա Անդրեասյանն անդրադարձել է Երևանում նախատեսվելիք  SOAD-ի համերգի շուրջ քննարկումներին, նշել՝ որոշ կազմակերպչական և ժամանակային հարցեր հնարավոր չեն դարձնում հուլիսին համերգի կազմակերպումը։

«Սիրելի՛ հայրենակիցներ, SOAD-ի համերգի հետ կապված. մենք երկուստեք ցանկություն ունենք Հայաստանում կազմակերպել SOAD-ի համերգը և այո, քննարկել ենք այս տարվա հուլիսին Երևանում համերգ կազմակերպելու տարբերակը, ինչի մասին էլ խոսել է վարչապետը։

Այդուհանդերձ որոշ կազմակերպչական և ժամանակային հարցեր հնարավոր չեն դարձնում հուլիսին համերգի կազմակերպումը։

Բայց համերգը մնում է օրակարգում և առաջիկայում խմբի հետ կհամաձայնեցնենք դրա անցկացման ժամկետները»,- գրել է ԿԳՄՍ նախարարը:

Հիշեցնենք՝ քարոզարշավի ժամանակ Նիկոլ Փաշինյանը հայտարարել էր, թե System of a Down-ը հուլիսին համերգով հանդես է գալու Երևանում։ 

Սերժ Թանկյանն էլ հերքել է Փաշինյանի հայտարարությունը՝ գրելով, որ SOAD-ը Երևանու՞մ։ Սրա հետ կապված, կարծես, շփոթմունք կա։