Մինչ այս պահը Արթուր Օսիպյանը զրկված է իր պաշտպաններին տեսակցելու հնարավորությունից․ փաստաբան

Փաստաբան Ռոման Երիցյանը էջում գրում է․

«Արթուր Օսիպյանի մասով զարգացումները․

1. Քրեական վարույթն ուղարկվել է Երևան քաղաքի քննչական վարչության ծանր հանցագործությունների քննության բաժին:

2. Արթուրը շարունակում է մնալ անազատության մեջ՝ ձերբակալվածի կարգավիճակով։

3. Ներգրավման պահից մինչև այս պահ Երևան քաղաքի ՁՊՎ չի ուղարկվել պաշտպանների ներգրավվածության մասին գրություն, ինչի հիմքով էլ մինչև հիմա Արթուրը զրկված է իր պաշտպաններին տեսակցելու հնարավորությունից։

4. Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել (ըստ ոստիականության բաժնում կազմված անձնական խուզարկության արձագրության՝ վերջինիս մոտ հեռախոս չի եղել, մինչդեռ Արթուրը հրաժարվել է դա ստորագրելուց)»։

Հիշեցնենք՝ Փաշինյանի հետ վիճաբանության մեջ մտած Օսիպյանին ձերբակալել են խուլիգանություն կատարելու կասկածանքով:

«Քաղաքացիական պայմանագիր» կուսակցության՝ Արաբկիր վարչական շրջանի քարոզարշավի ժամանակ վիճաբանություն է տեղի ունեցել արցախցի Օսիպյանի և Փաշինյանի միջև: Վերջինս հունից դուրս է եկել: