Ամբողջ աշխարհին պետք է ցույց տանք՝ հայը ուժեղ է, արժանապատիվ․ Սամվել Կարապետյան

«Ուժեղ Հայաստան» կուսակցության առաջնորդ և վարչապետի թեկնածու Սամվել Կարապետյանը, տնային կալանքով պայմանավորված, հեռահար ձևաչափով է ուղերձ հղել մարզի բնակիչներին.

«Շնորհակալություն եմ հայտնում որ հենց առաջին օրից դուք մեր կողքին եք օգնում եք մեզ ազատագրենք մեր հայրենիքը մեր երկրին այսքան չարիք բերած իշխանությունից: Մենք ամեն ինչ անելու ենք, որ մեր Գեղարքունիքի ժողովուրդը իրեն զգա շատ ապահով, շատ խաղաղ, շատ հարուստ և ապրի բարեկեցիկ կյանքով:
Դրա համար մենք պետք է միասին անենք գլխավոր քայլը՝ տանենք մեծ հաղթանակ և դրանից հետո տանելու ենք ուրիշ հաղթանակներ․ հաղթելու ենք աղքատությանը, հաղթելու ենք վախը, միավորելու ենք մեր պառատկված ժողովրդին:

Մենք ամբողջ աշխարհին պետք է ցույց տանք, որ հայը նվաստացած չէ, հայը ուժեղ է, հայը արժանապատիվ է․ դուք պետք է մեզ օգնեք հաղթել չարին․ Ճամբարակը պարտավոր է հաղթել չարին, Մարտունին պարտավոր է հաղթել չարին, Վարդենիսը պարտավոր է հաղթել չարին, Գավառը պարտավոր է հաղթել չարին․ մենք միասին տալու ենք չարի վերջը, փոփոխությունը գալիս է, Հաղթանակը գալիս է, ուժեղ Հայաստանը գալիս է»,- նշել է նա։