Մոսկվան հիշեցրել է Հայաստանի երկաթուղիներում կատարված ներդրումների մասին

Ռուսաստանի ԱԳՆ ներկայացուցիչ Միխայիլ Կալուգինը հայտարարել է, որ Հարավային Կովկասում խոշոր տրանսպորտային նախագծերի իրականացումը դժվար է պատկերացնել առանց Ռուսաստանի մասնակցության։ ՏԱՍՍ-ին տված հարցազրույցում նա անդրադարձել է նաև «Հարավկովկասյան երկաթուղի» ընկերության կոնցեսիոն կառավարման շուրջ քննարկումներին։

Ռուսական կողմը շեշտել է, որ Հայաստանի երկաթուղային համակարգում իրականացվել են զգալի ներդրումներ, որոնք երկար տարիներ ապահովել են ենթակառուցվածքների գործունեությունը և արդիականացումը։ Կալուգինի խոսքով՝ տարածաշրջանային տրանսպորտային միջանցքների արդյունավետ աշխատանքը պահանջում է նաև ռուսական մասնակցություն։

Նա հավելել է, որ «Մեղրիի երթուղու» շուրջ բանակցությունները 2023 թվականին մոտեցել էին գործնական փուլին, սակայն հետագայում գործընթացը կանգ է առել հայկական կողմի որոշման հետևանքով։