Պակիստանը ողջունել է մոտակա ժամանակահատվածում ԱՄՆ-ի և Իրանի միջև հնարավոր համաձայնագիրը

Պակիստանը ողջունել է Իրանի և Միացյալ Նահանգների միջև պատերազմը դադարեցնելու հնարավոր համաձայնագրի մասին տեղեկությունները՝ հավելելով, որ այս փուլում լրացուցիչ տեղեկություններ չի բացահայտի։ Այս մասին հաղորդում է Al Jazeera-ն։

Պակիստանի ԱԳՆ-ն հայտարարության մեջ նշել է, որ որպես միջնորդ՝ երկիրը չի կորցնի կողմերի վստահությունը և լրացուցիչ մանրամասներ չի բացահայտի։

Արտաքին գործերի նախարարության խոսնակ Թահիր Անդրաբին լրագրողների հետ զրույցում նշել է, որ Պակիստանը պատրաստ է նպաստել երկխոսությանը։ Նա հավելել է, որ Պակիստանը կողջունի ցանկացած կարգավորում՝ անկախ վայրից։

«Եթե Պակիստանում համաձայնագիր կնքվի, դա մեզ համար պատիվ կլինի», - ասել է խոսնակը։