Վրաստանում մայիսի 1-ից խստացվել են ճանապարհային կանոնների խախտումների տուգանքները

2026 թվականի մայիսի 1-ից Վրաստանում ուժի մեջ են մտել փոփոխություններ, որոնք նախատեսում են ճանապարհային երթևեկության կանոնների խախտումների համար տուգանքների խստացում։ Օրինագիծը, որը պատրաստվել էր Ներքին գործերի նախարարության կողմից, ավելի վաղ ընդունվել էր խորհրդարանի կողմից։

Ինչպես հայտարարել է ՆԳ նախարարի տեղակալ Ալեքսանդրե Դարախվելիձեն, նախագծում ներառվել են մի շարք փոփոխություններ։

Հիմնական փոփոխություններ

Սահմանվել է պատասխանատվություն N2 և/կամ N3 կատեգորիայի տրանսպորտային միջոցների կողմից Թբիլիսիի վարչական սահմաններում ընդհանուր օգտագործման ճանապարհներով երթևեկելու համար։

Սահմանափակումը չի կիրառվում, եթե՝

թույլատրված է տրանզիտային երթևեկությունը

կամ բեռի վերջնական նշանակման վայրը Թբիլիսին չէ

Տուգանք՝ 500 լարի

Ավտոմեքենայով մայթով երթևեկելու համար՝

200 լարի

M3, N2, N3 կամ T կատեգորիայի տրանսպորտային միջոցների համար՝

«կանգառը արգելված է» կամ «կանգառ/կայանումը արգելված է» նշանների պահանջների, ինչպես նաև կանգառ/կայանման այլ կանոնների խախտման դեպքում՝

50 լարի

Ընդլայնվել է այն քաղաքների ցանկը, որտեղ գործում է բարձրացված տուգանքը (50 լարի)։

Թբիլիսի, Քութայիսի, Բաթումի, Մցխեթա, Ռուսթավի, Գորի, Թելավի, Փոթի և Զուգդիդի քաղաքներին ավելացել են՝

Ախալցիխե և Օզուրգեթի

Կանգառ և կայանում

Մայթին կամ հետիոտնային անցումում կանգնելու կամ կայանելու համար՝

Թբիլիսիում, Քութայիսիում, Բաթումիում, Մցխեթայում, Ռուսթավիում, Գորիում, Թելավիում, Փոթիում, Զուգդիդիում, Ախալցիխեում, Օզուրգեթիում և հանգստավայրերում՝

100 լարի

Մնացած քաղաքներում՝

10 լարի

«Դրիֆտի» համար պատասխանատվության խստացում

Եթե «դրիֆտի» հետևանքով՝

վնասվել է տրանսպորտային միջոցը, գույքը կամ շինությունը

կամ հասցվել է թեթև մարմնական վնաս

տուգանք՝ 500 լարի

վարորդական իրավունքի կասեցում՝ 6 ամսով

Բարձրացված տուգանքներ

Անվտանգության գոտի չկիրառելու համար՝

50 լարի (նախկինում՝ 40)

Վարելիս բջջային հեռախոս օգտագործելու համար՝

50 լարի (նախկինում՝ 30)

Անհրաժեշտ փաստաթղթերի բացակայությամբ վարելու համար՝

100 լարի (նախկինում՝ 10)

Տեխնիկապես անսարք տրանսպորտային միջոց վարելու համար՝

50 լարի (նախկինում՝ 15)

Արագության գերազանցում (15–40 կմ/ժ)՝

100 լարի (նախկինում՝ 50)

Ճանապարհային նշանների, գծանշումների և այլ կանոնների խախտում՝

50 լարի (նախկինում՝ 20)

Մանևրելու կանոնների խախտում՝

100 լարի (նախկինում՝ 50)

Կանգառ/կայանման կանոնների խախտում՝

10 լարի,

50 լարի՝ խոշոր քաղաքներում և հանգստավայրերում

Լուրջ խախտումներ

Ճանապարհների պահպանման, շինարարական աշխատանքների, ճանապարհի աղտոտման և նմանատիպ խախտումների դեպքում՝

ֆիզիկական անձանց համար՝

2000 լարի

իրավաբանական անձանց համար՝

5000 լարի

(նախկինում՝ 500 լարի)

Եթե խախտման հետևանքով վնաս է հասցվել գույքին՝

ֆիզիկական անձանց համար՝

3000 լարի

իրավաբանական անձանց համար՝

7000 լարի

(նախկինում՝ 1500 լարի)

Նոր կարգավորումներ

Մայթին կամ հետիոտնային անցումում կանգնել/կայանել՝

100 լարի

Հասարակական տրանսպորտի համար նախատեսված գոտով (BUS LANE) երթևեկել, եթե դա հասարակական տրանսպորտ չէ՝

200 լարի

ՆԳՆ դիրքորոշումը

Ներքին գործերի նախարարությունը նշում է, որ փոփոխությունների նպատակն է՝

սահմանել պատասխանատվություն այն գործողությունների համար, որոնք վտանգում են ճանապարհային երթևեկության անվտանգությունը

խստացնել պատիժները այն դեպքերում, երբ նախկին տուգանքները կանխարգելիչ ազդեցություն չեն ունեցել։

Աղբյուրը՝ Vector News։