ՀՀ-ում արձանագրվել է սուր շնչառական վարակներով պայմանավորված հիվանդացության ցածր ակտիվություն

Հիվանդությունների վերահսկման և կանխարգելման ազգային կենտրոնից հայտնում են, որ 2026 թվականի 9-րդ շաբաթվա ընթացքում ՀՀ-ում արձանագրվել է սուր շնչառական վարակներով պայմանավորված հիվանդացության ցածր ակտիվություն։

Ընդհանուր դեպքերի գրեթե 82.5%-ը կազմում են 0-18 տարեկանները, առավել բաձր ցուցանիշը շարունակում է արձանագրվել 0-4 տարեկանների շրջանում:

Նույն ժամանակահատվածում բժշկական կազմակերպություններում սուր շնչառական վարակներով հոսպիտալացումները նախորդ շաբաթվա համեմատ գտնվում է նույն մակարդակի վրա, իսկ նախորդ տարվա միևնույն ժամանակահատվածի համեմատ ցածր է 1.5 անգամ։

Հոսպիտալացված դեպքերի 95.5%-ը կազմում են 0-18 տարեկանները։

Հայաստանի Հանրապետությունում շարունակում են շրջանառվել ռեսպիրատոր սինցիտիալ վիրուսի, ռինովիրուսի, պարագրիպի և մետապնևմովիրուսի հարուցիչներ։