Պուտինը հաջորդ շաբաթ կանցկացնի ԱԴԾ կոլեգիայի նիստ. ծրագրված են միջազգային շփումներ

Ռուսաստանի նախագահ Վլադիմիր Պուտինը հաջորդ շաբաթ կանցկացնի ԱԴԾ կոլեգիայի նիստ և կմասնակցի ապագա տեխնոլոգիաների ֆորումին, ինչպես նաև նրա ժամանակացույցում կլինեն միջազգային շփումներ և Ռուսաստանի և Բելառուսի Միութենական պետության բարձրագույն պետական խորհրդի նիստ:

Պետության ղեկավարի առաջիկա շաբաթվա պլանների մասին հաղորդվում է «Վեստի» Telegram-ալիքում: Երկուշաբթի օրը՝ փետրվարի 23-ին, նախագահը կշնորհավորի երկիրը հայրենիքի պաշտպանի օրվա կապակցությամբ և պետական մրցանակներ կհանձնի հերոսներին:

«Վլադիմիր Պուտինը շաբաթվա ընթացքում կանցկացնի ԱԴԾ ավանդական կոլեգիան, որտեղ առաջադրանքներ կներկայացնի գերատեսչության աշխատակիցներին»,- ասվում է «Վեստի» Telegram-ալիքում։

Բացի այդ, Ռուսաստանի ղեկավարը կմասնակցի Ռուսաստանի և Բելառուսի Միութենական պետության բարձրագույն պետական խորհրդի նիստին:

«Շաբաթվա ընթացքում պետության ղեկավարը նաև միջազգային այլ շփումներ և օպերատիվ խորհրդակցություն կանցկացնի ՌԴ Անվտանգության խորհրդի անդամների հետ», - նշվում է հաղորդագրության մեջ: