ԱԱԾ տնօրենի հետ 10 տարվա մտերմություն կա․ դատավոր Ժորա Չիչոյան

ԱԱԾ տնօրեն Անդրանիկ Սիմոնյանի հետ մտերմություն կա դեռ այն ժամանակահատվածից, երբ ոչ պարոն Սիմոնյանն էր ԱԱԾ տնօրեն, ոչ ես՝ դատավոր, 10 և ավել տարի։  Այս մասին լրագրողների հետ զրույցում ասաց Երևանի ընդհանուր իրավասության քրեական դատարանի նորանշանակ նախագահ Ժորա Չիչոյանը՝ անդրադառնալով դիտարկմանը, որ ԱԱԾ տնօրենի հետ ընկերական հարաբերությունների շնորհիվ է դարձել դատարանի նախագահ։  

«Չեմ պատրաստվում ժամանակավոր որոշակի երևույթների՝ պաշտոնի համար, ընկերներից չեմ պատրաստվում հրաժարվել։ Բնականաբար շփումներ կան»,-նշեց Ժորա Չիչոյանը։ 

Ըստ նրա՝ ԱԱԾ տնօրենի հետ ընկերական հարաբերություններ ունենալու հանգամանքը չի կարող հիմք հանդիսանալ՝ իր նշանակման համար։ 

Դիտարկմանը, որ իրեն բավականին երիտասարդ տարիքում են վստահվել նաև ՕՀՄ-ների միջնորդության քննությունները, Երևանի քրեական դատարանում ավելի փորձառու դատավորներ կան, որոնք արժանի են, ինչպե՞ս ստացվեց, որ ինքը նշանակվեց դատարանի նախագահ՝ Չիչոյանը նշեց, որ օրենսդիրը սահմանել է շեմ, որին ինքը բավարարվել և նշանակվել է․ «Ինչ վերաբերում է արժանիներին կամ ոչ արժանիներին, ապա որոշել է ԲԴԽ-ն, կոռեկտ չեմ համարում մեկնաբանել ԲԴԽ որոշումները»։ 

Անդրադառնալով այն հանգամանքին, որ ինքը ձեռքով մակագրել է բոլոր քաղաքական հնչեղության գործերով կալանքի միջնորդությունները մակագրվում են Մասիս Մելքոնյանին՝ Չիչոյանը հայտարարեց, թե կալանքի միջնորդությունները շատ են, բոլոր դատավորներին էլ մակագրվում է։

Մանրամասն՝ տեսանյութում: