ԱՄՆ-ը 72 ժամվա ընթացքում կմտնի պատերազմի մեջ, եթե Ռուսաստանը խախտի համաձայնագիրը․ ԶԼՄ-ներ

Միացյալ Նահանգները 72 ժամվա ընթացքում կմտնի պատերազմի մեջ, եթե Ռուսաստանը խախտի ապագա խաղաղության համաձայնագիրը: «Ֆինանսական Թայմս»-ը բացահայտել է Ուկրաինայի, Եվրոպայի և Միացյալ Նահանգների կողմից համաձայնեցված բազմաշերտ պլանի մանրամասները այն դեպքում, եթե Ռուսաստանը խախտի ապագա հրադադարի համաձայնագիրը:

Իր սեփական աղբյուրներին հղում անելով՝ թերթը հաղորդում է, որ եթե Ռուսաստանը վերսկսի ռազմական գործողությունները 24 ժամվա ընթացքում, կհետևի դիվանագիտական ​​նախազգուշացում, «և ուկրաինական բանակի կողմից կձեռնարկվեն ցանկացած անհրաժեշտ գործողություն՝ այս խախտումը դադարեցնելու համար»: Հայտնում է «Դոյչե վելե»-ն։

«Եթե ռուսական ագրեսիան շարունակվի, Կիևի կողմնակիցները՝ այսպես կոչված «կամավորների կոալիցիան», որը ներառում է ԵՄ մի քանի անդամներ, ինչպես նաև Մեծ Բրիտանիան, Նորվեգիան, Իսլանդիան և Թուրքիան, կմիջամտեն: Եթե հրադադարի խախտումը վերածվի լայնածավալ հարձակման, ապա առաջին խախտումից հետո 72 ժամվա ընթացքում կհետևի համակարգված ռազմական արձագանք՝ ներգրավելով արևմտյան ուժեր, այդ թվում՝ ԱՄՆ բանակ»,-հաղորդում է «Ֆայնենշլ Թայմս»-ը:

Պարբերականի տվյալներով՝ համապատասխան համաձայնագրերը մշակվել են ուկրաինացի, եվրոպացի և ամերիկացի պաշտոնյաների մասնակցությամբ 2025 թվականի դեկտեմբերին Փարիզում և 2026 թվականի հունվարին Կիևում կայացած քննարկումների ընթացքում։