Բա որ ժողովրդավար ես, մենք ստեղ ի՞նչ գործ ունենք, ի՞նչ ահաբեկչություն, ապացո՞ւյց կա. Իգոր Սարգսյան

«Պատվարժան դատարան, մեղադրող կողմը կարդաց մեղադրանքի ամբողջական ծավալը, մեղադրվեցինք ահաբեկչության և ոչ սահմանադրական եղանակով իշխանափոխության մեջ, մենք բոլորս՝ 18 հոգիս  մեղադրվում ենք ընդամենը խոսելու համար։ 

Այսօր փողոցում, բիսետկայում,  սենյակում երկու-երեք հոգի նստում են՝ խոսում են երկրի վիճակի մասին, երկրի վիճակի մեղավորների մասին և օրենքը, սահմանադրությունը  խոսքի ազատությունը երբևիցե չի սահմանափակել, ու եթե խոսելու համար  մեղադրանք են ներկայացնում կամ իշխանափոխության մեջ են  մեղադրում, այն էլ՝  ոչ սահմանադրական եղանակներով, աբսուրդի ժանրից է։  Ես, օրինակ, մոտ 35-40 տարի է իմ կուսակցության մեջ, նաև պետական աշխատանքում,  պատերազմի դաշտում որոշակի կազմակերպչական, ղեկավարման աշխատանքներ կատարել եմ, և հստակ գիտեմ, որ եթե ինչ-որ մի բանը չես կազմակերպում, տարերային քաոս է առաջանում․․․

Այստեղ պետք է քննվի ոչ թե ահաբեկչության խնդիրը, այլ՝  իրավունք ունեի՞նք կազմակերպելու, թե՞ իրավունք չունեինք։ Այո՛ իրավունք ունեինք կազմակերպելու, այս 30-35 տարվա ընթացքում բազմաթիվ միտինգներ են եղել, բազմաթիվ երթեր են եղել, 24 թվականին մենք կազմակերպեցինք Սրբազան պայքարը․․․

Կյանքը հո այս օրով չի սահմանափակվում։ Ամեն մայրամուտից հետո գալիս է նաև լուսաբաց։ Հո հավերժ չե՞ն․․․»,- դատարանում հայտարարեց ՀՅԴ Հայաստանի ԳՄ անդամ Իգոր Սարգսյանը։

Նշենք, որ Երևանի ընդհանուր իրավասության քրեական դատարանում՝ դատավոր Կարեն Ֆարխոյանի նախագահությամբ, ընթանում է Բագրատ Սրբազանի և մյուս՝ 18 արդարների գործով դատական նիստը։  

Մանրամասն՝ տեսանյութում։