ՈւՂԻՂ․ Սուրեն Մանուկյանի և մյուսների գործով դատական նիստը՝ նոր զարգացումներով

Տավուշի մարզի առաջին ատյանի ընդհանուր իրավասության դատարանի Իջևանի նստավայրում շարունակվում է Սուրեն Մանուկյանի և մյուսների վերաբերյալ դատական նիստը՝ նոր զարգացումներով։ Բանն այն է, որ դատավոր Սասուն Մխիթարյանն իր վարույթում գտնվող քրեական գործով 2025 թվականի օգոստոսի 1-ին հաղորդում է ներկայացրել մեղադրյալներից մեկի դեմ և ստացել է տուժողի կարգավիճակ։ Արդյունքում ՝ Սասուն  Մխիթարյանը հանդես է եկել և՛ տուժողի, և՛ դատավորի կարգավիճակով, ինչից ելնելով դատավորը պետք է ինքնաբացարկ հայտներ, սակայն չի ներկայացրել։

Այս մասին չեն իմացել նաև դատավարության մասնակից կողմերը․  տեղեկությունը միայն այն ժամանակ է բացահայտվել, երբ մեղադրյալներից Սուրեն Մանուկյանը հարցրել է, թե դատավորը ինչ կարգավիճակ ունի տվյալ  գործով։ Ի պատասխան դատավորն ասել է․ «տուժողի կարգավիճակ ունի»։

 Պաշտպանական կողմը տեղեկանալուց հետո դատավորին դիմել է բացարկի միջնորդությամբ՝ հաշվի առնելով, որ դատավորը տուժողի կարգավիճակ ունենալով՝ ըստ օրենքի պարտավոր էր անմիջապես ինքնաբացարկ հայտարարել։ Սակայն, դատավորը ոչ միայն չի հայտարարել ինքնաբացարկ, այլև երկար ժամանակ թաքցրել է իր կարգավիճակը՝ խախտելով քրեադատավարական օրենսգրքի պահանջները։

Միայն պաշտպանական կողմի միջնորդությունից հետո է դատավորը դիմել Քննչական կոմիտե՝ հրաժարվելու  տուժողի իր  կարգավիճակից, որպեսզի շարունակի գործը վարել, սակայն,  ըստ մեղադրյալ Սուրեն Մանուկյանի, այդ քայլը մեկ այլ ապօրինություն է։

Մանրամասները՝ ուղիղ եթերում։