Թանգարանից 600 ցուցանմուշների գողության համար չորս տղամարդ է որոնվում

Անգլիայի Բրիստոլի թանգարանի հավաքածուից ավելի քան 600 ցուցանմուշ է անհետացել խոշոր գողության ժամանակ: Դեպքի մասին հաղորդում է Daily Mail-ը՝ հղում անելով ոստիկանությանը։

Ոստիկանությունը որոնում է չորս տղամարդկանց, ովքեր սեպտեմբերի 25-ին, ժամը 1-ից 2-ը, թանգարանի պահեստից դուրս են բերել առնվազն 600 արժեքավոր արտեֆակտ։

Կոնստեբլ Դեն Բուրգանը գողությունը անվանել է լուրջ կորուստ քաղաքի համար։

«Այս իրերը, որոնցից շատերը նվիրաբերված են, կազմում են հավաքածուի մի մասը, որը պատկերացում է տալիս բրիտանական պատմության բազմաշերտության մասին, և մենք հույս ունենք, որ հանրության անդամները կարող են օգնել մեզ գողերին պատասխանատվության ենթարկել», -ասել է նա։

Տեսախցիկներով նկարահանված բոլոր չորս տղամարդիկ սպիտակամորթ էին և կրում էին սպորտային հագուստ և սպորտային կոշիկներ։