18 միլիոն 5 հոգանոց խմբին Բաքու գործուղելու համար. Նրանք կմեկնեն չարտերային թռիչքով

5 հոգանոց հայ փորագետների խումբ կմեկնի Բաքու՝ կլոր սեղանի մասնակցելու համար, որի ծախսերը կհոգա ՀՀ Կառավարությունը։ 
Կառավարության այսօրվա նիստում որոշվել է  17,550.0 հազար դրամ հատկացնել  2025 թվականի նոյեմբերի 21–22-ը Բաքվում կայանալիք կլոր սեղան–քննարկմանը հայ փորձագետների  մասնակցության համար։ Նշված գումարը նախատեսված է Երևանի և Բաքվի միջև չարտերային թռիչքի իրականացման համար, որպեսզի ապահովվի հայկական կողմի հինգ փորձագետների մեկնումն  ու վերադարձը։

«Նախագծով առաջարկվում է 17,550.0 հազ. դրամ հատկացնել 2025 թվականի նոյեմբերի 21-ից 22-ը Բաքվում կայանալիք կլոր սեղան-քննարկմանը հայկական կողմից 5 փորձագետի մասնակցությունն ապահովելու նպատակով  Երևան-Բաքու և Բաքու-Երևան չարտերային թռիչք կազմակերպելու համար»,- նշված է որոշման   հիմնավորման մեջ:

Նախագիծն ընդգրկված է եղել չզեկուցվող հարցերի մեջ։