Փաշինյանը չի որոշում, թե քաղաքական որ ուժերը պետք է լինեն խորհրդարանում․ Արթուր Խաչատրյան

«Նիկոլ Փաշինյանը չի որոշում, թե որ քաղաքական ուժերը պետք է լինեն Խորհրդարանում։ Կա ժողովուրդ, ընտրողներ, որին Նիկոլ Փաշինյանը ժամանակին կոչում էր 3 մլն վարչապետ, ընտրությունները մեխանիզմներից մեկն է, որ ձևավորվում է կառավարությունը»,-խորհրդարանական ճեպազրույցների ընթացքում ասաց «Հայաստան» խմբակցության պատգամավոր Արթուր Խաչատրյանը։ 

«Նիկոլ Փաշինյանն էլ ավելի վատ հայտարարություն արեց՝ տարբեր ուժերի կոչելով ազդեցության գործակալներ։ Նման հայտարարություններ նա անում է արդեն  5-6 տարի, պարբերբար հարցումներ  են ուղղվում դատախազություն, իրավապահ մարմիններ, արդյոք նման ազդակներ ստացել են, նման գործեր կան, թե՝ ոչ, որևէ պատասխան չկա։ Կամ Նիկոլ Փաշինյանը պետք է պատասխան տա, թե կոնկրետ ովքեր են ազդեցության գործակալները և դատարանում պաշտպանի իր հայտարարությունը, կամ իրավապահներին պետք է հեռացնի, կամ իրավապահներին պետք է տարբեր մարդկանց տներ ուղարկեն, ինչն անում են, բայց հասել ենք նրան, որ մարդկանց, որոնց մեղադրում են խուլիգանության մեջ, ԱԱԾ-ն է բերում՝ երեխաների աչքի առաջ։ Այն, որ նա չի բացառում որոշ կուսակցությունների փակում՝ ակնհայտ է»,- նշեց պատգամավորը։