Հրեշտակապետեր Գաբրիելի և Միքայելի և ողջ երկնային զորքի հիշատակության օր

«Մեր քրիստոնեական կենցաղով և վարվեցողությամբ ապավինենք Աստծուն, հրեշտակներին ամուր պահենք մեր կողքին, խնդրենք նրանց բարեխոսությունը՝ իբրև լուսավորյալների ու պահապանների»,-Տեր Գաբրիել քահանա Պետրոսյան:

Գիտեի՞ր, որ…

Սուրբ Գրքում բացահայտ արտացոլված չէ, թե ովքեր են հրեշտակներն ու ինչպիսին են:

Նշվում է, որ նրանք անմարմին, անսեռ հոգիներ են՝ Աստծո սպասավորները: Նրանք մեր պահապաններն են, մարդկանց աղոթքները, խնդրանքները երկինք բարձրացնողները: Հրեշտակներն ունեն ինը դաս:

Գաբրիել հրեշտակապետն ընդունված է՝ որպես ավետիս բերող: Հաճախ պատկերվում է նաև որպես մահվան հրեշտակ: Գաբրիել թարգմանվում է՝ «Աստված իմ ուժն է» կամ «Աստծո զորություն»: Նշվում է, որ Միքայել հրեշտակապետը երկնային զորքերի հրամանատարն է՝ չարի դեմ պայքարող: Միքայել անունը թարգմանվում է՝ «Ոչ ոք հավասար չէ Աստծուն»: