ՀՀ տնտեսական աճի միջազգային կանխատեսումները ձեր կանխատեսումներից ցածր են․ Արթուր Խաչատրյանը՝ Վահե Հովհաննիսյանին

ԱԺ-ում 2026 թ․ պետական բյուջեի նախագծի քննարկման ընթացքում «Հայաստան» խմբակցության պատգամավոր Արթուր Խաչատրյանը մի շարք հարցեր ուղղեց Ֆինանսների նախարար Վահե Հովհաննիսյանին՝ շեշտելով տնտեսական աճի, պարտքի և աշխատավարձերի թեմաները։

Խաչատրյանը հետաքրքրվեց, թե ինչու է Արժույթի միջազգային հիմնադրամը Հայաստանի տնտեսական աճը կանխատեսել 4,9%, ինչը ավելի ցածր է կառավարության նշած 5-5,5% պոտենցիալից, և արդյոք դա նշանակում է, որ հիմնադրամը պակաս հավատ է տածում կառավարության գնահատականների հանդեպ։ Նա նաև հարցրեց՝
 • արդյունաբերության որ ճյուղերն են ապահովելու հաջորդ տարվա աճը,
 • ինչու է պետական պարտքի հաշվարկից հանվել մուրհակների բաղադրիչը,
 • և որքա՞ն տոկոս է կազմում այն բնակչությունը, որը միջինից ցածր աշխատավարձ է ստանում, նշելով, որ ըստ ՊԵԿ տվյալների՝ այդ ցուցանիշը հասնում է շուրջ 70-80%-ի։

Բացի այդ, Խաչատրյանը շեշտեց, որ Հայաստանի տնտեսական քաղաքականությունը հենվում է հումքային նախագծերի վրա, մասնավորապես՝ Ամուլսարի շահագործման, և կասկած հայտնեց, թե ինչու այդ հարցը երկար տարիներ ձգձգվելուց հետո հանկարծակի լուծվեց։

Մանրամասն՝ տեսանյութում։