Սրբատեղին վերածվել է «բազարի», և եկեղեցի են մուտք գործել պղծությունը սրբություն համարող չհայերը. վերլուծաբան

Ադրբեջանի հարցերով փորձագետ Գառնիկ Դավթյանը գրում է.

«Սատանան այսօր խնջույքի մեջ է:

Այն, որ Հայ Առաքելական Սուրբ Եկեղեցու վրա հարձակումը ունի հստակ ընդգծված ադրբեջանական_հետք, բերեմ, թերևս, երեք փաստ՝

- Ադրբեջանի քարոզչական դաշտում Հայ Եկեղեցին միշտ ներկայացվել է որպես ոչ լեգիտիմ, կրոնական արժեքներից զուրկ կառույց,

- Ադրբեջանը տարիների ընթացքում նշել է, որ Հայ Եկեղեցին մեծ դեր է ունեցել Արցախի ազատագրման հարցում, ուստի գոյության իրավունք չունի,

- Հայ Եկեղեցին «զավթել է ալբանական եկեղեցիները» (սա պատմականորեն ապացուցված կեղծիք է), ուստի պետք է վերացվի դրա նշանակությունը հայերի շրջանում։

Պատահական չէ՝ ոչ նիկոլի արշավը եկեղեցու դեմ, ոչ պլանավորված գրոհը Մայր Աթոռ Սուրբ Էջմիածնի դեմ, և ոչ էլ այսօրվա կազմակերպված նվաստացումը եկեղեցու։ Ես չեմ համարում, որ այսօր հաջողել ենք, քանի որ եկեղեցում և դրա շուրջ հնչել են հայհոյանքներ, սրբատեղին վերածվել է «բազարի», և եկեղեցի են մուտք գործել պղծությունը սրբություն համարող չհայերը»։