Փաստաբանը միջնորդեց Սուրեն Մանուկյանի նկատմամբ, որպես խափանման միջոց, կիրառել տնային կալանքը

Տավուշի մարզի առաջին ատյանի ընդհանուր իրավասության դատարանում ընթանում է Սուրեն Մանուկյանի և մյուսների գործով դատական նիստը։ Այս փուլում դատարանն ուսումնասիրում է հետազոտման ենթակա ապացույցները։ Սուրեն Մանուկյանի փաստաբանական խմբի անդամ Աշոտ Ապրեսյանը միջնորդեց Սուրեն Մանուկյանի խափանման միջոց կալանքը փոխարինել տնային կալանքով։

Հիշեցնենք, որ դեռևս 2022 թ. օգոստոսի 11-ից քրեական գործ էր հարուցվել և քրեական հետապնդում էր սկսվել ՀՅԴ անդամ, 6-րդ գումարման ԱԺ պատգամավոր Սուրեն Մանուկյանի նկատմամբ: Վերջինս մեղադրվում է խմբի կազմում «Ազատ դեմոկրատներ» կուսակցության նախագահ Խաչատուր Քոքոբելյանի հորը ենթադրաբար առևանգելու և նրա որդիներից առանձնապես խոշոր չափերի գումար ենթադրաբար շորթելու մեջ։