ՀՅԴ-ն երբեք դեմ չի եղել ՀՀ-ի անկախությանը․ Երկիր օրաթերթի 1991 թ․ Հրայր Մարուխյանի «Այո անկախությանը» հոդվածը վկա․ Քրիստինե Վարդանյան

ԱԺ ամբիոնից ունեցած ելույթում «Հայաստան» խմբակցության պատգամավոր Քրիստինե Վարդանյանը արձագանքեց Ռուբեն Ռուբինյանի հայտարարությանը՝ հայտարարելով, որ իշխանությունը խեղաթյուրում է պատմական փաստերը։

«Ռուբեն Ռուբինյանը կարդաց հայտարարության վերջը, բայց չկարդաց սկիզբը։ Այնտեղ հստակ ասվում է, որ երեք կուսակցությունները իրենց ամբողջական և անվերապահ զորակցությունն են հայտնել Ղարաբաղի և Հայաստանի ժողովրդին՝ արդար դատին, որի վերջնական լուծումը տեսնում են Լեռնային Ղարաբաղի միացումը Խորհրդային Հայաստանին։ ՔՊ-ն սա ներկայացնում է որպես Հայաստանի անկախությանը դեմ դիրքորոշում»։

Վարդանյանը նշեց, որ Դաշնակցությունը և մյուս ավանդական կուսակցությունները երբեք չեն եղել անկախության դեմ, հակառակը՝ ակտիվորեն աջակցել են այդ գործընթացին։

«Ես հիմա ներկայացնում եմ երեք օրինակ՝ Դաշնակցության պաշտոնաթերթից՝ 1991 թվականի սեպտեմբերի 20-ի համարից՝ “Այո անկախությանը” խորագրով պաստառը, և Հրայր Մարուխյանի հոդվածը նույն ամսաթվով՝ նույն կոչով՝ “Այո անկախությանը”։ ՔՊ-ի ստերը հերքելուց հեշտ բան չկա»։

Պատգամավորը շեշտեց, որ իշխանությունը փորձում է պատմությունը վերաշարադրել, սակայն փաստերը հստակ վկայում են՝ հայ ավանդական կուսակցությունները անկախության կողմնակից են եղել։

Մանրամասն՝ տեսանյութում։