Ապաշնորհ կառավարման արդյունքում գործող իշխանությունները ձախողեցին հայտարարագրման ինստիտուտի ներդրումը. տնտեսագետ

Տնտեսագետ Սուրեն Պարսյանը գրում է. «Եկամուտների հայտարարագրման ինստիտուտը առանցքային նշանակություն ունի հասցեական սոցիալ-տնտեսական քաղաքականության մշակման և կիրարկման համար, սակայն գործող իշխանությունները, մեղմ ասած` ապաշնորհ կառավարման և նախընտրական տրամադրություններից ելնելով` հերթական անգամ ձախողեցին և վարկաբեկեցին այս ինստիտուտի ներդրման անհրաժեշտությունը:

Ինքնաշխատ եղանակով հաշվետվություններ ներկայացնելը, անշուտ, չի կարող ապահովել մեր քաղաքացիների վերաբերյալ ամբողջական տեղեկատվություն, որի հիմքի վրա հնարավոր լինի իրականացնել հասցեական և արդյունավետ սոցիալ-տնտեսական քաղաքականություն: Պետական մարմինները և այրերը պետք է քաղաքական պատասխանատվություն կրեն վատ իրազեկման, ձախողման համար»: