Փաշինյանն իհարկե գաղափար անգամ չունի, թե ինչ ծանր հետևանք է համարում Ճապոնիան 13 զոհը և, թե որքան է այս երկրում կարևորվում մարդը․ լրագրողի արձագանքը

Լրագրող Լիա Սարգսյանը գրում է․ «Ժողովրդին «կրթող» Նիկոլ Փաշինյանը փաստորեն նոր է բացահայտում, որ Տոկիոյում և Ճապոնիայի այլ մարդաշատ քաղաքներում աղբամաններ չկան: «Կրթությունը նորաձև է» արշավի առաջամարտիկը հասել է Ճապոնիա, սակայն այդպես էլ չի փորձել խորացնել իր գիտելիքները՝ իմանալու համար, որ սա միայն մշակութային առանձնահատկություն չէ:

30 տարի առաջ Տոկիոյի մետրոյում «Aum Shinrikyo» կրոնական խմբավորման անդամները ահաբեկչություն էին իրականացրել՝ աղբամաններն օգտագործելով պայթուցիկների և գազային բալոնների համար որպես թաքստոց:

Ահաբեկչության հետեւանքով 13 մարդ զոհվեց, ավելի քան 6 հազար անձ ստացավ տարբեր աստիճանի վնասվածքներ:

Դրանից հետո ճապոնական իշխանությունները, անվտանգության նկատառումներից ելնելով, սկսեցին զանգվածաբար հեռացնել աղբամանները՝ պահպանելով այդ մոտեցումը մինչ օրս։

Փաշինյանն իհարկե գաղափար անգամ չունի, թե ինչ ծանր հետևանք է համարում Ճապոնիա պետությունը 13 զոհը և, թե որքան է այս երկրում կարևորվում մարդը, հանրային անվտանգությունը (սա ասում եմ որպես Ճապոնիայում 20 օր վերապատրաստված լրագրող):

Հայաստանում սգո օրերը «խորոված-քաբաբի» տոներով փոխարինած Փաշինյանի իշխանության օրոք բազմաթիվ աղետներ են եղել, սկսած Սուրմալուի ողբերգությունից, սակայն իշխող ուժը հանրային պատասխանատվություն չի կրել, թեպետ մարդկային կյանքեր խլած դեպքերի գլխավոր պատասխանատուն հենց ինքն է եղել»: