Պեկինում մեկնարկել են Երկրորդ համաշխարհային պատերազմում տարած հաղթանակի 80-ամյակին նվիրված միջոցառումները

Չորեքշաբթի օրը Պեկինի կենտրոնում՝ Տյանանմեն հրապարակում, սկսվել են ճապոնական ագրեսիայի դեմ Չինաստանի ժողովրդի դիմադրության պատերազմում տարած հաղթանակի և համաշխարհային հակաֆաշիստական ​​պատերազմի 80-ամյակին նվիրված հանդիսավոր միջոցառումները, հաղորդում է «ՌԻԱ Նովոստի»-ի թղթակիցը։

Երկրի գլխավոր հրապարակում լայնածավալ տոնակատարությունները սկսվոելեն Չինաստանի Ժողովրդական Հանրապետության նախագահ, Կենտրոնական ռազմական հանձնաժողովի նախագահ Սի Ծինփինի ելույթով, որին հաջորդել է ռազմական շքերթը․ դրան մասնակցել են հազարավոր զինվորականներ, ավելի քան 100 ինքնաթիռներ և երկրի զինված ուժերի հարյուրավոր ցամաքային տեխնիկա։

Ռուսաստանի նախագահ Վլադիմիր Պուտինը՝ որպես գլխավոր հյուր, և 25 այլ պետությունների ղեկավարներ մասնակցում են շքերթին՝ Սի Ծինփինի հրավերով։

Չինաստանի իշխանությունները տոնակատարություններից առաջ հայտարարել էին, որ շքերթը նպատակ ուներ ցույց տալ Պեկինի անսասան նվիրվածությունը խաղաղությանը, միջազգային արդարադատությանն ու արդարությանը, և աշխարհին ցույց տալ, որ 80 տարի առաջ տարած հաղթանակը արդարության մեծ հաղթանակ էր չարիքի և խավարի նկատմամբ։